ԵՐԵՎԱՆ, 24 նոյեմբերի - Sputnik. Վերջին օրերին համացանցում լայնորեն տարածվում են գերեվարված զինվորների և քաղաքացիական անձանց վերաբերյալ տեսանյութեր։ ՀՀ ազգային անվտանգության ծառայությունը տեղեկացնում է, որ դրանք ունեն անհայտ ծագում և ստացված տվյալների համաձայն` շատ դեպքերում որևէ կապ չունեն Արցախում տեղի ունեցած ռազմական գործողությունների հետ:
«Օտարերկրյա տարբեր պետություններում նկարահանված, հաճախ նաև միտումնավոր կերպով մոնտաժված այդ կադրերի տարածումը հասկանալի պատճառներով խուճապ է ստեղծում հայ հանրության շրջանում՝ բացասաբար անդրադառնալով հասարակական տրամադրությունների վրա»,- նշված է ԱԱԾ մամուլի ծառայության տարածած հաղորդագրության մեջ։
Ազգային անվտանգության ծառայությունը հորդորում է զերծ մնալ համացանցում նմանօրինակ տեսանյութերի տարածումից։
Կոչ է արվում բացառապես առաջնորդվել պաշտոնական տեղեկատվական աղբյուրների տրամադրած տեղեկություններով:
Ո՞ր հեռախոսահամարներով է պետք զանգել գերի ընկած զինծառայողների մասին իմանալու համար
