ԵՐԵՎԱՆ, 12 հոկտեմբերի - Sputnik. Գեղարքունիքի մարզի տներից մեկում հայտնաբերվել է 2–ամյա փոքրիկի դի։ Տեղեկությունը հայտնում է shamshyan.com-ը։
«Երեկ՝ հոկտեմբերի 11-ին, Գեղարքունիքի բժշկական կենտրոնից ոստիկանության տարածքային բաժին ահազանգ է ստացվել, որ բժիշկների հերթապահ խումբը կանչով մեկնել է նշված հասցե, որտեղ հայտնաբերել են երեխայի դի»,–գրում է կայքը։
Դեպքի վայր է ժամանել նաև ոստիկանության օպերատիվ խումբը։ Պարզվել է, որ մահացածը 2-ամյա Ս. Մ-ն է։
Քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական փորձաքննություն։
Ըստ կայքի` երեխայի մահվան պատճառի մասին ոստիկանությունն ու քննչական բաժինն ունեն նախնական տեղեկություն, սակայն նախաքննության շահերից ելնելով՝ այս պահին չեն հրապարակում և սպասում են դատաբժշկական փորձաքննության եզրակացությանը։
Ամեն ինչ սկսվել է կանանց վեճից. ոստիկանության բաժնի պետն ու օպերլիազորները ձերբակալվել են