Ինչպե՞ս ճիշտ կողմնորոշվել պատերազմական դրության ժամանակ և խուճապի չմատնվելով` փրկել ինչպես սեփական, այնպես էլ հարազատի կյանքը։ Հայաստանի Կրավ Մագա ֆեդերացիայի հիմնադիր, Կրավ Մագայի և անվտանգության միջազգային կարգի փորձագետ, ՍԻԱՍ ակադեմիայի համահիմնադիր և փոխտնօրեն Սարգիս Բազինյանը պատերազմական դրության առաջին իսկ օրերից նախնական մարտական պատրաստականության և մինչբժշկական առաջին օգնության անվճար դասընթացներ է անցկացնում բոլոր նրանց համար, ովքեր ցանկություն ունեն դրանց մասնակցելու։
Սեմինարների ժամանակ մասնակիցները սովորում են մինչբժշկական առաջին օգնություն տրամադրել` ներարկումներ անել, արագ ճնշող վիրակապեր դնել, արհեստական շնչառություն տալ ու սրտի աշխատանքը վերականգնել, տիրապետել տարհանման մեթոդներին։
Բազինյանի թիմը դասընթացների մասնակիցներին սովորեցնում է նաև նախնական կրակային պատրաստականություն, զենքի հետ ճիշտ վարվելու հմտություններ, նռնակներից ու հակագազային դիմակներից մինչև զրահաբաճկոնի կիրառություն և այլն։
Դասընթացների ժամանակ լինում են նաև սիմուլիացիոն տեսարաններ` սթրեսակայունության մարզումներ, որոնք օգնում են հաշված վայրկյանների ընթացքում կողմնորոշվել և շարժվել իրավիճակին համապատասխան` անգամ հրազենի ձայնի տակ։
Ստեփանակերտ. վիրավոր քաղաքը հումանիտար հրադադարի առաջին օրը. լուսանկարներ
Հայաստանի Կրավ Մագա ֆեդերացիայում արդեն վերապատրաստվել է մոտ 500 մարդ:
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 12-ի ժամը 18։00-ի դրությամբ` հակառակորդի կրակոցների հետևանքով զոհվել են 480 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 49719 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 168 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 514 տանկ և ՀՄՄ:
Ինչին պետք է ընտելանանք, եթե Ադրբեջանի հետ պատերազմը երկարի
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո
