ԵՐԵՎԱՆ, 1 հոկտեմբերի - Sputnik. Արցախի տեղեկատվական շտաբը քիչ առաջ եզակի լուսանկարներ է հրապարակել սեպտեմբերի 30-ին ռմբակոծության ենթարկված Մարտակերտ քաղաքից։
«Արցախի դեմ ադրբեջանական ագրեսիայի ընթացքում թշնամական համազարկային կրակի ռեակտիվ համակարգի (ՀԿՌՀ) հրետակոծությունից տուժած քաղաքացիական տուն Մարտակերտ քաղաքում»,– նշված է լուսանկարների մեկնաբանությունում։
Սեպտեմբերի 30-ին հակառակորդը ավիառումբերով ռմբակոծության էր ենթարկել Մարտակերտի քաղաքացիական ենթակառուցվածքները, որի հետևանքով երեք մարդ էր զոհել` երկու կին և մեկ տղամարդ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Վերջին տեղեկություններով` հակառակորդի կրակոցների հետևանքով զոհվել են 103 զինծառայողներ և 6 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդն ավելի քան 1000 կենդանի ուժ է կորցրել։
Ըստ այս պահին հայտնի տեղեկությունների` Ադրբեջանը զրկվել է նաև 90 ԱԹՍ–ից, 10 ուղղաթիռից, 185 զրահատեխնիկայից, 1 ինքնաթիռից, «Սմերչից»։ Արցախում և Հայաստանում ռազմական դրություն և համատարած զորահավաք է հայտարարվել։
Խաթարված մանկությունն ու աչքերի լույսը․ Արցախի երեխաների տպավորիչ ֆոտոշարքը
Սեպտեմբերի 29–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։
Հայաստանը պատրաստ է բանակցությունների, բայց կա մեկ «բայց». Փաշինյան
