ԵՐԵՎԱՆ, 3 հոկտեմբերի – Sputnik. ՀՀ 3–րդ նախագահ Սերժ Սարգսյանը մեկնել է Արցախ։ Sputnik Արմենիայի թղթակիցը նարն տեսել է Ստեփանակերտում։ Նրան դիմավորում են Արցախի ներկա և նախկին ռազմական բարձրաստիճան պաշտոնյաներ։ Սարգսյանը զինվորական համազգեստով է եղել։
Նշենք, որ այս պահին Արցախում են նաև ՀՀ 2–րդ նախագահ Ռոբերտ Քոչարյանը և ՀՀ պաշտպանության նախկին նախարար Սեյան Օհանյանը։ Արցախի նախագահ Արայիկ Հարությունյանը հանդիպել էր Սեյրան Օհանյանի հետ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 3-ի ժ. 16։00-ի դրությամբ` հակառակորդի կրակոցների հետևանքով զոհվել են 209 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։ Հակառակորդը նաև զինտեխնկայի զգալի կորուստ ունի և շարունակում է գրանցել։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
