ԵՐԵՎԱՆ, 13 սեպտեմբերի - Sputnik. Այսօր՝ սեպտեմբերի 13-ին, ժամը 19։00-ին խոշոր ավտովթար-վրաերթ է տեղի ունեցել Արարատի մարզում: Կա զոհ և տուժածներ։ Տեղեկությունը հայտում են Արտակարգ իրավիճակների նախարարության մամուլի ծառայությունից:
Ժամը 19:00-ի սահմաններում, Երևան-Երասխ-Մեղրի ավտոճանապարհի 67 կմ հատվածում, Երասխավան գյուղի վարչական տարածքում բախվել են «Mercedes Sprinter» և «BMW» մակնիշի ավտոմեքենաները:
«Պարզվել է, որ «Mercedes Sprinter» մակնիշի ավտոմեքենան դուրս է եկել երթևեկելի հատվածից և բախվել ձմերուկների վաճառքի կետին․ ըստ նախնական տվյալների կա մեկ զոհ, երեք տուժած»,–նշված է հաղորդագրության մեջ։
Shamshyan.com–ի տեղեկություններով՝ ավտոմեքենաների բախման հետևանքով «BMW»-ն կողաշրջվել է:
«Իսկ մինչ այդ, ըստ դեպքի վայրում հավաքվածների, բախումից հետո «BMW»-ն առաջ է ընթացել և վրաերթի ենթարկել նշված հատվածում ձմերուկ վաճառողին, որը տեղում մահացել է»,–գրում է կայքը և հայտնում 5 վիրավորի մասին, որոնց բժիշկները առաջին բուժօգնություն ցուցաբերելուց հետո տեղափոխել են «Արարատ» բժշկական կենտրոն։
Դանակահարություն Գյումրիում․ հիվանդանոց տեղափոխված երիտասարդներից մեկը մահացած է եղել
Փաստի առթիվ հարուցվել է քրեական գործ ՀՀ քրեական օրենսգրքի 242 հոդվածի 2-րդ մասի հատկանիշներով (Ճանապարհային երթևեկության և տրանսպորտային միջոցների շահագործման կանոնները խախտելը, որն անզգուշությամբ առաջացրել է մարդու մահ): Ոստիկանությունն ու քննչական բաժինը պարզում են մահացածի, վարորդների և վիրավորների ինքնությունը:
