ԵՐԵՎԱՆ, 1 սեպտեմբերի - Sputnik․ Երևանի Րաֆֆու փողոցի 73 շենքում գազի արտահոսքից հրդեհ է բռնկվել։ Տեղեկությունը հայտնում է ԱԻՆ-ը։
Դեպքը տեղի է ունեցել կեսօրից հետո, ահազանգը ստացվել է 13:30-ին։ Դեպքի վայր է մեկնել ԱԻՆ հրշեջ-փրկարարական մեկ մարտական հաշվարկ։ Պարզվել է, որ հրդեհի պատճառը գազի արտահոսքն է, 6-րդ հարկի շքամուտքում գազի երեքկիլոգրամանոց բալոնից արտահոսք է տեղի ունեցել։
Փրկարարները տարհանել են բնակիչներին։ Տուժածներ չկան։ Հրդեհը մարվել է ժամը 13։50-ին։ Այրվել է գազի բալոնից արտահոսած գազը։ ԱԻՆ-ի աշխատակիցները իրականացրել են հերթապահություն՝ մինչ գազի ամբողջական պարպվելը։
Հիշեցնենք, որ օգոստոսի 26-ին գազի արտահոսքի հետևանքով մասնակի փլուզվել էր Երևանի Ռայնիսի փողոցի 1 շենքը, մահացել էր մեկ մարդ, հոսպիտալացվել` երկուսը։
Երևանում պայթյունի հետևանքով մասնակի փլված շենքը կամրացնեն, վնասված հատվածը կապամոնտաժեն
