ԵՐԵՎԱՆ, 21 հունիսի - Sputnik. ՀՀ առողջապահության նախարարությունը տեղեկացնում է, որ Հայաստանում մեկ օրում գրանցվել են կորոնավիրուսից մահվան 18 նոր դեպք։ Կորոնավիրուսի զոհ դարձածներից 7-ը կանայք են, 11-ը՝ տղամարդիկ։ Մահացածներից ամենաերիտասարդը 48-մյա կին է, ամենատարեցը՝ 87-ամյա։
«Մահվան դեպքերի վերաբերյալ հայտնում ենք, որ պացիենտները եղել են 62 (կին), 81 (տղամարդ), 57 (տղամարդ), 65 (կին), 81 (տղամարդ), 64 (կին), 66 (տղամարդ), 55 (կին), 48 (կին), 61(տղամարդ), 73 (տղամարդ), 90 (կին), 84 (տղամարդ), 65 (տղամարդ), 72 (տղամարդ), 51 (տղամարդ), 57 (տղամարդ) և 87 (կին) տարեկան: Բոլորն ունեցել են ուղեկցող քրոնիկական հիվանդություններ»,- նշված է հաղորդագրության մեջ։
Այսպիսով, մինչ օրս Հայաստանում կորոնավիրուսից մահացել է 350 հիվանդ։
Նշենք, որ նախորդ օրն արձանագրվել է մահվան ևս 1 դեպք, երբ հիվանդի մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 114 է։
Մարդիկ «Դեքսամետազոն» են գնում կորոնավիրուսից փրկվելու համար. նախարարության արձագանքը
Հիշեցնենք՝ Հայաստանում կորոնավիրուսով վարակվածների թիվը վերջին մեկ օրում ավելացել է 560–ով և հասել 20 268-ի։ Առողջացել է ևս 148 մարդ. այսպիսով մինչ օրս կորոնավիրուսային հիվանդությունը հաղթահարել են 9002 մարդ։
