ԵՐԵՎԱՆ, 26 մայիսի – Sputnik. ՀՀ արդարադատության նախարար Ռուստամ Բադասյանը Facebook-ում գրառում է արել, որտեղ ԱԺ պատգամավոր Արման Բաբաջանյանին մեղադրել է Հ երրորդ նախագահ Սերժ Սարգսյանի փեսա, Վատիկանում ՀՀ նախկին դեսպան Միքայել Մինասյանի հետ ունեցած կապի մեջ:
«Արման Բաբաջանյանն իրեն դրսևորում է որպես «մաֆիա» խաղի տաղանդավոր կարմիր ներկայացող, բայց արդյո՞ք կարմիր է։ Ո՞ր դեսպանին էր համարում ՀՀ լավագույն դեսպաններից։ Ո՞ւմ հետ էր կապերի մեջ՝ ըստ լայնորեն տարածված տեղեկությունների»,- գրում է նախարարը:
Նա նաև նշում է, թե Արման Բաբաջանյանը շարունակում է անպատասխանատու հայտարարությունները, բայց որևէ հիմնավորում մինչ օրս չի կարողացել ներկայացնել, որովհետև «որևէ միտք ձևակերպելու համար պոպուլիզմը բավարար չէ»:
Պատրաստ եմ «վեթինգվել». Պետրոսյանը կարծում է`վեթինգը պետք է սկսել այսօրվա իշխանությունից
Միաժամանակ Բադասյանը հայտնում է, որ վեթինգի նախապատրաստական աշխատանքներն ավարտվում են: Մինչև տարեվերջ, ըստ Դատական օրենսգրքի անցումային դրույթների, ստուգվելու են դատավորների հայտարարագրերը: Եվ այդ գործընթացը շարունակական է լինելու։
Նշենք, որ այսօր ԱԺ-ում իր ելույթում Բաբաջանյանը հայտարարել էր, որ ՍԴ նախագահ Հրայր Թովմասյանը, ԲԴԽ նախագահ Ռուբեն Վարդազարյանը (որը, նրա խոսքով, դատական համակարգում «ներդրվել է» ԱԱԾ նախկին տնօրեն Արթուր Վանեցյանի կողմից, չեն կարողանալու պաշտպանել թալանչի ու հանցագործ դատավորներին, եթե անգամ «բոլորով կրծքով» փորձեն պաշտպանել:
«Դատական համակարգը չպետք է մահակ դառնա ընդդիմադիրների դեմ». Մարոզյանը` վեթինգի մասին
Մայիսի 15–ին Հատուկ քննչական ծառայությունը հայտարարեց, որ Միքայել Մինասյանի նկատմամբ քրեական գործ է հարուցվել` անզգուշությամբ ծանր հետևանքներ առաջացրած պաշտոնեական լիազորություններն անցնելու առերևույթ հանցագործության դեպքի առթիվ։
Միքայել Մինասյանը մեղադրվում է պաշտոնեական լիազորություններն անցնելու մեջ:
