ԵՐԵՎԱՆ, 1 փետրվարի — Sputnik. Փետրվարի 1-ի առավոտյան`ժամը 07։59-ին, Կարեն Դեմիրճյանի անվան Երևանի մետրոպոլիտենից 911 ծառայությունն ահազանգ է ստացվել այն մասին, որ «Հանրապետության հրապարակ» կայարանի շատրվաններին կից տարածքում այրվում է տաղավար։
Հայտնի է` ինչն է եղել մամուլի շենքում բռնկած հրդեհի պատճառը
Մետրոպոլիտենի մամուլի քարտուղար Տաթև Խաչատրյանը facebook-ում այրված տաղավարի լուսանկարն է հրապարակել ու հայտնել, որ այն օգտագործման ենթակա չի եղել, իսկ նախկինում ներառված է եղել սրճարանի տարածքում։
«Դեպքից տուժածներ չկան»,– գրում է Խաչատրյանը։
Հրդեհը 08։16 -ին մեկուսացվել է, 08։52-ին` մարվել։
Հիշեցնենք` «Հանրապետության հրապարակ» կայարանի շատրվաններին կից դեռևս խորհրդային տարիներից հայտնի սրճարանը վաղուց արդեն չէր գործում։ Իսկ հրդեհված կրպակը ժամանակին այս սրճարանի համար որպես խոհանոց էր ծառայում։