ԵՐԵՎԱՆ, 22 հունվարի — Sputnik. Կերակրողին կորցրած ուսանողների նպաստները 23 տարեկանից պետք է երկարացնել մինչև 26 տարեկան։ Խորհրդարանում հայտարարեց «Իմ քայլի» պատգամավոր Հայկ Կոջոյանը` ներկայացնելով «Պետական կենսաթոշակների մասին» օրենքում փոփոխությունների նախագիծը, որը կազմել են նա և Նարեկ Զեյնալյանը։
Գործող օրենսդրության համաձայն` երեխան կերակրողին կորցնելու նպաստ է ստանում մինչև 18 տարեկանը, իսկ եթե առկա ուսուցում է ստանում բուհում, ապա` մինչև 23 տարեկանը։ Պատգամավորներն առաջարկում են երկարացնել այդ ժամկետը մինչև 26 տարեկան` հաշվի առնելով այն, որ դպրոցական կրթության տևողությունը 10–ից դարձել է 12 տարի, իսկ բուհում ուսուցումն արվում է 2 փուլով`բակալավրիատ ու մագիստրատուրա (4+2 տարի)։
Աշխատանքի և սոցիալական հարցերի փոխնախարար Սմբատ Սաիյանն իր հերթին նշեց, որ կառավարությունը չի կարող աջակցել օրինագծին, քանի որ նման դոտացիաները չեն կարող տարածվել այդքան հասուն մարդկանց վրա։
Ինչ է պետք անել, եթե ձեզ ասել են «չի հասնում». նախարար Բաթոյանի գրառումը
Երեխաները ստանում են այդ նպաստը մինչև 18 տարեկանը (ուսանողները` մինչև 23) նույնիսկ այն դեպքում, եթե սկսում են աշխատել։
Նպաստի նվազագույն չափը կազմում է 26 500 դրամ (հարմարեցված է Հայաստանի նվազագույն սպառողական զամբյուղի հետ)։
