ԵՐԵՎԱՆ, 9 հունվարի — Sputnik. Առաջին ու երկրորդ երեխաների ծննդյան դեպքում ծնողները կստանան 300 000 դրամ։ Այս որոշումն այսօր ընդունվեց ՀՀ կառավարության նիստում։
Ինչպես որոշման նախագծի ներկայացման ժամանակ ասաց ՀՀ աշխատանքի և սոցիալական հարցերի նախարար Զարուհի Բաթոյանը, որոշումը գործելու է 2020թ–ի հուլիսի 1-ին ու դրանից հետո ծնվող երեխաների համար։
«Այսինքն` առաջին երեխայի ծննդյան նպաստը կավելանա 6 անգամ, երկրորդի դեպքում` 2 անգամ»,– ասաց Բաթոյանը։
Նշենք, որ 2014 թվականի մարտի 6-ին ընդունված և մինչ այսօր գործող որոշմամբ, առաջին երեխայի ծննդյան միանվագ նպաստը 50 000 դրամ է, երկրորդինը` 150 000 դրամ։
Մեկ այլ փոփոխությամբ կառավարությունը բարձրացրեց նաև մինչև 2 տարեկան երեխաների խնամքի նպաստները։
Դրանք գործող ամսական 18 000 դրամից կհասցվեն 26 500–ի։
Այս կարգավորումը ևս ուժի մեջ կմտնի 2020թ–ի հուլիսի 1-ից։ Բայց կտարածվի այդ պահին նպաստ ստացող բոլոր` մինչև 2 տարեկան երեխաների վրա։
«Բոլորի մեջ փնտրում եմ նրա դիմագծերը». մայրը որոնում է երեխային, որին խլել են ծննդատան
Բաթոյանը նաև հայտնեց, որ այսուհետ այս նպաստից կկարողանան օգտվել նաև գյուղական բնակավայրերում բնակվող ընտանիքները, ընդ որում` անկախ ծնողի աշխատելու հանգամանքից։
Հայաստանում 2020թ–ի առաջին օրը լույս աշխարհ է եկել 105 երեխա. ո՞ր երկրներն են առաջատարները
«Իսկ գյուղական վայրերում բնակվող այն մայրերը, որոնք նաև ընդգրկված են աշխատանքում, բնականաբար, ֆորմալ կստանան կկրկնապատիկ ավելին 53 000 դրամ»,– ասաց նախարարը։
Նա նաև հայտնեց, որ այս ավելացումների համար բյուջեից հատկացվելու է 4 մլրդ 786 հազար դրամ։
Հիշեցնենք` երեխաների խնամքի նպաստն այժմ տրվում է միայն քաղաքային բնակավայրերում բնակվող և միայն աշխատող մայրերերին, որոնք գտնվում են հետծննդյան արձակուրդում։
Համացանցում առաջարկում են նորածնին փաթաթել լավաշով. ինքնատիպ առաջարկ ամենահամովների համար
