Ռուսաստանի արտգործնախարարության ներկայացուցիչ Մարիա Զախարովան ասել է, որ Մոսկվան համալիր պատասխան կտա Sputnik Էստոնիայի լրագրողների դեմ ուղղված գործողություններին։
Ավելի վաղ Sputnik Էստոնիայի աշխատակիցներն Էստոնիայի ոստիկանության և սահմանային պահպանության դեպարտամենտի ղեկավարությունից սպառնալիքներով ծանուցում–նամակներ էին ստացել, որ եթե մինչև գալիք տարվա հունվարի 1-ը չդադարեցնեն գլխամասային կազմակերպության` «Ռոսիա սեգոդնյա» միջազգային տեղեկատվական գործակալության հետ աշխատանքային հարաբերությունները, ապա նրանց հանդեպ քրեական գործեր կհարուցվեն։
«Պետք է ներողություն խնդրել». Զախարովան` Sputnik Էստոնիայի շուրջ ստեղծված իրավիճակի մասին
Sputnik Էստոնիային սատարել են բազում քաղաքական գործիչներ ու լրագրողներ, որոնք մասնակցել են #СпутникСила ֆլեշմոբին։ Ակցիայի հեղինակը «Ռոսիա Սեգոդնյա» ՄՏԳ–ի գործադիր տնօրեն Կիրիլ Վիշինսկին է։
Ռուսաստանը նախատեսում է համալիր պատասխան տալ Sputnik Էստոնիայի ճնշումներին։ Այս մասին ասել է Ռուսաստանի արտգործնախարարության ներկայացուցիչ Մարիա Զախարովան «Ռոսիա 1» հեռուստաընկերության եթերում «Կիրակի երեկո Վլադիմիր Սոլովյովի հետ» («Воскресный вечер с Владимиром Соловьевым») հաղորդման ժամանակ։
Խմբագրության աշխատակիցները էստոնական իշխանությունից քրեական հետապնդման սպառնալիքներ են ստացել, եթե նրանք չդադարեցնեն աշխատանքային հարաբերությունները գործակալության հետ մինչ 2020 թվականի հունվարի 1–ը։
Ավելի վաղ Մոսկվայի բարձրաստիճան աղբյուրը խոսել էր այն մասին, որ բրիտանական ղեկավարները կապ ունեն այս ամենի հետ։ Տալլինում սպառնալիքները կապել են 2014 թվականին ԵՄ–ի սահմանած պատժամիջոցներով։ Միայն թե Sputnik Էստոնիան պատժամիջոցային ոչ մի ցանկում չկա։ Ռուս քաղաքական գործիչները քննադատել են Տալլինի գործողությունները
Լրագրողներին սատարել են գործընկերները։ «Ռոսիա Սեգոդնյա» ՄՏԳ–ի գործադիր տնօրեն Կիրիլ Վիշինսկին #СпутникСила ֆլեշմոբ է սկսել։
Խորհրդանիշը դեղին բաճկոնն է ու ծանրաքարը, որի վրա անգլերեն գրած է` «Got You Covered!» («Վստահիր մեզ»)։
Հայաստանի ժուռնալիստների միությանը մտահոգել է Sputnik Էստոնիայի շուրջ ստեղծված իրավիճակը
