ԵՐԵՎԱՆ, 23 դեկտեմբերի — Sputnik. Էստոնիայի վարչապետ Յուրի Ռատասն ասել է, որ տեղյակ չէ Sputnik Էստոնիա գործակալության հետ կապված սկանդալից։ Այս մասին գրում է ՌԻԱ Նովոստին։
Տեղի պարբերականներից մեկին տված հարցազրույցում նա հայտնել է, որ մտածում է այն, ինչ բազմաթիվ անգամ է հնչեցրել։
«Մենք Sputnik գործակալության հետ չենք համագործակցում»,– ասել է նա` պատասխանելով վարձակալության պայմանագրի դադարեցման, աշխատակիցների վրա ճնշում գործադրելու, ինչպես նաև բանկային հաշիվները սառեցնելու վերաբերյալ հարցին։
Իսկ հարցին, թե Էստոնիան վախենո՞ւմ է Sputnik գործակալությունից, Ռատասը պատասխանել է. «Վախենալու ոչինչ չկա։ Էստոնիան ժողովրդավարական ինքնուրույն երկիր է, խաղաղ պետություն։ Մենք հիանալի դաշնակիցներ ունենք և ոչնչից չենք վախենում։ Մենք պետք է վստահորեն պաշտպանենք Էստոնիայի բնակիչների շահերը և նայենք դեպի ապագա»։
Ավելի վաղ Sputnik Էստոնիայի աշխատակիցները Էստոնիայի ոստիկանության և սահմանային պահպանության դեպարտամենտի ղեկավարությունից սպառնալիքներով ծանուցում նամակներ էին ստացել, որ եթե մինչև գալիք տարվա հունվարի 1-ը չդադարեցնեն գլխամասային կազմակերպության` «Ռոսիա սեգոդնյա» միջազգային տեղեկատվական գործակալության հետ աշխատանքային հարաբերությունները, ապա նրանց հանդեպ քրեական գործեր կհարուցվեն։ Այդ գործողությունները հիմնավորվում են պատժամիջոցներով, որոնք ԵՄ–ն կիրառել է 2014 թվականի մարտի 17-ին մի քանի իրավաբանական և ֆիզիկական անձանց դեմ ուկրաինական իրադարձությունների ֆոնին։
Հայաստանի ժուռնալիստների միությանը մտահոգել է Sputnik Էստոնիայի շուրջ ստեղծված իրավիճակը
«Ռոսիա սեգոդնյա» ՄՏԳ–ում հայտարարել էին, որ գործակալությունն Էստոնիայի իշխանության գործողությունները գնահատում է որպես կոպիտ կամայականություն և մտադիր է դիմել ՄԱԿ, ԵԱՀԿ, Եվրոպայի խորհուրդ, ՅՈՒՆԵՍԿՕ և ՄԻԵԴ ու պահանջել գնահատական տալ խոսքի ազատությունը ոտնահարելու այս աննախադեպ դեպքին և միջոցներ ձեռնարկել լրագրողների` սեփական մասնագիտական գործունեությունը ծավալելուն ուղղված իրավունքները պաշտպանելու համար։
Էստոնիայի իշխանությունը Sputnik-ի աշխատակիցներին սպառնում է քրեական հետապնդմամբ
Մարգարիտա Սիմոնյանն էլ իր Telegram–ալիքում գրել էր. «Այ քեզ բան։ Էստոնիայում պաշտոնապես սպառնում են ազատազրկել մեր լրագրողներին, եթե նրանք մինչև Ամանոր աշխատանքից չազատվեն։ Եթե այդ երկրի իշխանությունը ետ չկանգնի իր որոշումից, ապա ԵԱՀԿ, ՄԻԵԴ, էլ ով կա այնտեղ` Եվրոպաներում, խոսքի ազատության համար պատասխան տվող, խորհուրդ եմ տալիս ինքնալուծարվել»։
