ԵՐԵՎԱՆ, 22 դեկտեմբերի — Sputnik. Sputnik Էստոնիայի դեմ կիրառված պատժամիջոցները վտանգավոր նախադեպ են ստեղծում, որը կարող է ամբողջ Եվրոպայում շղթայական ռեակցիա առաջացնել։ «Ռոսիա 1» հեռուստաալիքի «Վեստի նեդելի» հաղորդման ժամանակ ասել է «Ռոսիա սեգոդնյա» ՄՏԳ-ի գլխավոր տնօրեն Դմիտրի Կիսելյովը։
Կիսելյովը նշել է, որ Էստոնիան այդ գործողությունները նախաձեռնել է դեռ 2014 թվականին կիրառված ԵՄ-ի անձնական պատժամիջոցների պատրվակով։
«Էստոնիայի իշխանության դիրքորոշումը Sputnik-ի վերաբերյալ վտանգավոր է նաև այն առումով, որ այդպիսով ստեղծվում է նախադեպ, որը կարող է Եվրոպայում շղթայական ռեակցիա առաջացնել։ Հենց այդ պատճառով էլ Sputnik-ի հարցը Տալլինում ոչ թե լոկալ թեմա է, այլ ամբողջ մայրցամաքի սկզբունքի մշակում», - ասել է Կիսելյովը` նշելով, որ չի կարելի կիրառել անձնական պատժամիջոցներն ավելի լայն, քան դրանք իրականում կան։
Կիսելյովի խոսքով՝ ԵԱՀԿ-ի ԶԼՄ-ների ազատության գծով կոմիտեի նախագահ Առլեմ Դեզիրը կոչ է արել Էստոնիայի իշխանությանը զերծ մնալ Sputnik-ի աշխատանքի անտեղի սահմանափակումներից։
«Ռոսիա սեգոդնյա» ՄԳՏ-ի գլխավոր տնօրենը ընդգծել է, որ նա Եվրոպայում անձնական բանկային հաշիվներ չունի։
«Սակայն էստոնացիները, անկեղծ ասած, տգեղ վարվելով, որոշել են անձնական պատժամիջոցներ տարածել մեդիահոլդինգի ղեկավարի ու ամբողջ մեդիահոլդինգի վրա, ասես պետական կազմակերպության բյուջեն իմ անձնականն է», - ասել է նա։
Էստոնիայի իշխանությունը Sputnik-ի աշխատակիցներին սպառնում է քրեական հետապնդմամբ
Կիսելյովն ավելացրել է, որ ԵՄ երկրներից միայն Էստոնիան է նման կերպ մեկնաբանում պատժամիջոցները։
Ավելի վաղ «Ռոսիա սեգոդնյա» ՄՏԳ–ում հայտարարել էին, որ գործակալությունը Էստոնիայի իշխանության գործողությունները գնահատում է որպես կոպիտ կամայականություն և մտադիր է դիմել ՄԱԿ, ԵԱՀԿ, Եվրոպայի խորհուրդ, ՅՈՒՆԵՍԿՕ և ՄԻԵԴ ու պահանջել գնահատական տալ խոսքի ազատությունը ոտնահարելու այս աննախադեպ դեպքին և միջոցներ ձեռնարկել լրագրողների` սեփական մասնագիտական գործունեությունը ծավալելուն ուղղված իրավունքները պաշտպանելու համար։
ՄԱԿ–ը փորձում է գլուխ հանել Sputnik Էստոնիայի աշխատակիցների հասցեին հնչած սպառնալիքներից
ՌԴ նախագահ Վլադիմիր Պուտինը, մեկնաբանելով Sputnik Էստոնիայի շուրջ ստեղծված իրավիճակը, հայտնել է, որ ՌԴ իշխանությունն անելու է ամեն բան, այլ երկրներում Sputnik-ի աշխատանքին սատարելու համար։ «Ռոսիա սեգոդնյա» ՄԳՏ–ի ու RT հեռուստաալիքի գլխավոր խմբագիր Մարգարիտա Սիմոնյանը էստոներենով դիմել էր Էստոնիայի նախագահ Կերստի Կալյուլայդին Sputnik Էստոնիայի աշխատակիցներին քրեական հետապնդման ենթարկելու սպառնալիքների հետ կապված ու կոչ էր արել թույլ չտալ, որ նրանք կալանավորեն։
