ԵՐԵՎԱՆ, 18 դեկտեմբերի – Sputnik. Այսօր՝ դեկտեմբերի 18-ին, ողբերգական ավտովթար է տեղի ունեցել Գեղարքունիքի մարզում։ Ժամը 17։15-ի սահմաններում ВАЗ 21210 մակնիշի 35 MG 092 համարանիշի ավտոմեքենայի վարորդը Սևան-Ծաղկունք-Զովաբեր ավտոճանապարհի 2-րդ կմ հատվածում՝ Դդմաշեն գյուղի վարչական տարածքում, դեռևս անհայտ հանգամանքներում դուրս է եկել ճանապարհի երթևեկելի գոտուց և գլխիվայր շրջվելով։ Այս մասին գրում է shamshyan.com-ը։
Վթարի հետևանքով ավտոմեքենայում գտնվող Դդմաշեն գյուղի բնակիչ՝ 43-ամյա Արամ Քոչարյանը տեղում մահացել է, իսկ 1 հոգի՝ Դդմաշեն գյուղի բնակիչ՝ 43-ամյա Շավարշ Գրիգորյանը, տեղափոխվել է «Սևան» բժշկական կենտրոն։
Փաստի առթիվ հարուցվել է քրեական գործ։ Ոստիկանությունն ու քննչական բաժինը պարզում են վարորդի, մահացածի և վիրավորի ինքնությունը։
Խոշոր ավտովթար Դիլիջան-Վանաձոր ճանապարհին. ուղևորներից մեկը մահացել է
Ըստ աղբյուրի` Սևանի հիվանդանոցի դի տեղափոխող բրիգադի ուշացման պատճառով դեպքի վայրում իրավիճակը լարվել էր, ու մահացածի հարազատներն ասում էին` 5 րոպե է՝ սպասում ենք, թե երբ է դի տեղափոխող բրիգադը գալու, որպեսզի մեր մահացած հարազատին տեղափոխեն դիահերձարան։
Կրակոց Աբովյանում. թալանել են «Արեգակ» վարկային կազմակերպությունը
Քաղաքացիները նույնիսկ ցանկություն են հայտնել` իրենց ավտոմեքենայով դին տեղափոխել, այնուամենայնիվ, մահացածին շտապօգնության ավտոմեքենան է տեղափոխել։
Ըստ տեղեկությունների՝ մահացածը ոստիկանության նախկին աշխատակից է եղել։
