ԵՐԵՎԱՆ, 18 դեկտեմբերի – Sputnik. Դեկտեմբերի 18-ին, ժամը 12:23-ին «911» ծառայությունն ահազանգ է ստացել, որ Տավուշի մարզի Բագրատաշեն գյուղում տեղի է ունեցել ՃՏՊ: Այս մասին հայտնում է ՀՀ արտակարգ իրավիճակների նախարարության մամուլի ծառայությունը։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Մ-16 ավտոճանապարհի Նոյեմբերյան-Բագրատաշեն հատվածի 20-րդ կմ-ին բախվել են «Hyundai» (վարորդ՝ Ուլան Է., Ղազախստանի Հանրապետության քաղաքացի) և Opel Astra G մակնիշների ավտոմեքենաները. Opel-ի 51-ամյա վարորդը` Վանիկ Մ.-ն, տեղում մահացել է:
Ինքնասպանություն Երևանում. տղամարդը կախվել է գազատար խողովակից
Մինչ փրկարարների՝ կանչի վայր հասնելը Opel Astra G-ի ուղևոր 29-ամյա Ռուսլան Ջ.-ն դուրս է բերվել ավտոմեքենայից տեղի ուժերով և տեղափոխվել Նոյեմբերյանի ԲԿ: Բժիշկները տուժածի առողջական վիճակը գնահատել են բավարար:
Խոշոր ավտովթար Դիլիջան-Վանաձոր ճանապարհին. ուղևորներից մեկը մահացել է
