ԵՐԵՎԱՆ, 13 դեկտեմբերի — Sputnik. ՀՀ ԱՆ «Դատապարտյալների հիվանդանոց» քրեակատարողական հիմնարկում 50–ամյա կալանավոր է մահացել։ Այս մասին հայտնում է ՀՀ արդարադատության նախարարության քրեակատարողական ծառայությունը։
Իրավիճակ է փոխվել. ՔԿՀ աշխատակիցներն այլևս չեն բացի դատապարտյալների հանձնուքները
«Դեկտեմբերի 13-ին, ժամը 14։40-ի սահմաններում, արձանագրվել է կալանավորված անձ` 1969թ. ծնված Համլետ Խորենի Թումանյանի կենսաբանական մահը։ Նախնական ախտորոշմամբ՝ մահվան պատճառ է հանդիսացել սուր շնչառական անբավարարությունը»,–նշված է հաղորդագրության մեջ։
Մահացած կալանավորը մեղադրվում էր գողություն կատարելու մեջ։
21–ամյա կալանավորին կախված են գտել «Արմավիր» ՔԿՀ–ում
Ուշագրավ է այն հանգամանքը, որ Թումանյանը կալանավորվել և ՀՀ ԱՆ «Վանաձոր» քրեակատարողական հիմնարկ էր ընդունվել օրեր առաջ` դեկտեմբրի 7–ին։ Իսկ դեկտեմբերի 12–ին քրեակատարողական հիմնարկի բժշկի ցուցումով տեղափոխվել էր ՀՀ ԱՆ «Դատապարտյալների հիվանդանոց» քրեակատարողական հիմնարկ՝ խրոնիկական ալկոհոլիզմ ախտորոշմամբ։
Փաստի առթիվ նախապատրաստվում են նյութեր։ Նշանակվել է դատաբժշկական փորձաքննություն։
