ԵՐԵՎԱՆ, 12 նոյեմբերի — Sputnik. ՀՀ երկրորդ նախագահ Ռոբերտ Քոչարյանի դեմ հարուցված քրեական գործով դատավոր Աննա Դանիբեկյանը մերժեց Քոչարյանի պաշտպանների` իր դեմ ներկայացրած ինքնաբացարկի միջնորդությունը։ Այս մասին Դանիբեկյանը հայտնեց Երևանի ընդհանուր իրավասության դատարանում ընթացող նիստի ժամանակ։
«Դատարանը որոշեց մերժել պաշտպանների միջնորդությունը։ Որոշումը ենթակա չէ բողոքարկման»,– ասաց դատավորը։
Նշենք, որ դատական նիօստը շարունակվում է։
Հիշեցնենք, որ նոյեմբերի 5-ին Ռոբերտ Քոչարյանի փաստաբանները նրա խափանման միջոց կալանքը փոխելու և իրենց պաշտպանյալի նկատմամբ որպես խափանման միջոց գրավը կիրառելու միջնորդություն էին ներկայացրել։ Նոյեմբերի 7–ին Երևանի ընդհանուր իրավասության դատարանի դատավոր Աննա Դանիբեկյանը մերժեց Քոչարյանի խափանման միջոցը փոխելու միջնորդությունը` նրան թողնելով կալանքի տակ։
Հայաստանը պատրա՞ստ է վատ սցենարների. Քոչարյանը` Փաշինյանի, Արցախի ու Ռուսաստանի մասին
Սեպտեմբերի 20–ին էլ Երևանի ընդհանուր իրավասության դատարանն էր մերժել Քոչարյանին գրավի դիմաց ազատ արձակելու միջնորդությունը, որը ներկայացրել էր փաստաբան Հովհաննես Խուդոյանը:
Քոչարյանի փաստաբանները «քարը քարի վրա չեն թողնելու»
2018 թվականի հուլիսի 26-ին Մարտի 1-ի գործով Հատուկ քննչական ծառայությունում քննվող քրեական գործով Հայաստանի երկրորդ նախագահ Ռոբերտ Քոչարյանին մեղադրանք է առաջադրվել ՀՀ քրեական օրենսգրքի 300.1-ին հոդվածի 1-ին մասով այն բանի համար, որ նա այլ անձանց հետ նախնական համաձայնությամբ տապալել է Հայաստանի Հանրապետության սահմանադրական կարգը:
