ԵՐԵՎԱՆ, 11 նոյեմբերի – Sputnik. Սիրիայի նախագահ Բաշար Ալ–Ասադը կարծում է, որ Սիրիայի իրավիճակի կարգավորման` Ժնևի գործընթացն ԱՄՆ–ի հնարքն է, իսկ Սոչիի բանակցություններն արդյունավետ էին։ Այս մասին նա ասել է RT–ի հետ հարցազրույցում։
«Սպիտակ սաղավարտները» PR ակցիա է, իսկ քիմհարձակումը` բեմադրություն. Ասադի պարզաբանումները
Նա վստահ է, որ Ժնևի բանակցություններն ԱՄՆ–ի կողմից քաղաքական գործընթացների միջոցով նախկինում չիրականացված սեփական նպատակներին հասնելու փորձ էր սկզբում ցույցերի միջոցով, հետո` գրոհայիններին աջակցելով։
«Այդ պատճառով էլ Ժնևի գործընթացը ձախողվել է. դրա նպատակն էր Սիրիայի գործող իշխանությանը անցումային մարմնի միջոցով պաշտոնանկ անելը։ Հետո նրանք խաղաղ իշխանափոխություն կիրականացնեին ու կստանային Սիրիայի հանդեպ վերահսկողությունը, ինչպես արդեն արդել են բազում այլ երկրներում»,–ասել է Ասադը։
Այս համատեքստում նա ընդգծել է, որ այժմ «Ժնևը» միայն հարթակ է սիրիական կարգավորման համար։ Այդ հարթակի վրա շարունակվում է Սոչիի գործընթացը։
«Կարևոր չէ` որտեղ են անցնում հանդիպումները կամ սկսվում բանակցությունները. դա Սոչիի գործընթացի շարունակությունն է։ Սոչիի համաժողովն իր պտուղներն է տալիս։ Անցած ամիս մեզ մոտ պատվիրակություն էր եկել, ու անցած շաբաթ նրանք սկսեցին բանակցել սահմանադրության շուրջ»,– նշել է Սիրիայի առաջնորդը։
Ավելի վաղ` հոկտեմբերի 30–ին, Ժնևում բացվել է սիրիական Սահմանադրական կոմիտեի առաջին նիստը։ Կոմիտեում ներառված են կառավարության, ընդդիմության ու քաղաքացիական հասարակության ներկայացուցիչները։ Սիրիայի սահմանադրական կոմիտեի հիմնական աշխատանքը սկսվել է նոյեմբերի 4–ին, 45 մարդուց կազմված փոքր խմբով, մինչ այդ պատվիրակությունները կազմակերպչական հարցեր էին քննարկում։
Զինվորներին Սիրիա ուղարկելով` Ռուսաստանը պաշտպանում է իր ժողովրդին. Բաշար Ասադ
Սիրիայում սահմանադրական բարեփոխման մշակման համար կոմիտեի ստեղծման պայմանավորվածությունը ձեռք է բերվել 2018 թվականին Սոչիում ազգային երկխոսության կոնգրեսի ժամանակ։
