ԵՐԵՎԱՆ, 11 նոյեմբերի – Sputnik. ԱՄՆ–ն թալանում է Սիրիայի նավթի հանքատեղերը: Հենց նավթը կարող էր լինել այդ երկրում պատերազմի սկզբի դրդապատճառը։ RT–ի հետ հարցազրույցում այս մասին ասել է Սիրիայի նախագահ Բաշար Ալ–Ասադը։
«Մենք իհարկե վրդովվում ենք, Սիրիայի ողջ ժողովուրդը վրդովվում է։ Սա իսկապես թալան է, բայց այստեղ չկա ո՛չ միջազգային կարգ, ո՛չ միջազգային իրավունք։ Սա, շիտակ խոսենք, նոր երևույթ չէ, և դա վերաբերում է ոչ միայն պատերազմական շրջանին»,–ասել է Ասադը։
Սիրիայում նավթի արդյունահանման մոտ 90%ը կենտրոնացած է Եփրատ գետի արևելյան ափին, որը նախկինում «Իսլամական պետության» (Ռուսաստանում և մի շարք այլ երկրներում արգելված ահաբեկչական կազմակերպություն) պատվարն ու եկամտի հիմնական աղբյուրն էր, իսկ այժմ հիմնականում գտնվում է ԱՄՆ–ի դաշնակից «Սիրիայի ժողովրդավարական ուժեր» (SDF) քրդական ջոկատների հսկողության տակ։ Ավելի վաղ Պենտագոնի ներկայացուցիչ Ռեթ Հոֆմանը հայտնել էր, որ սիրիական նավթի եկամուտը գնում է SDF քրդական խմբավորումներին, ոչ թե ԱՄՆ–ին։
Սիրիայի նախագահի խոսքով` ամերիկացիները միշտ փորձում են որևէ կերպ թալանել այլ երկրներին` խլելով ոչ միայն նավթը, փողերն ու ընդհանրապես ֆինանսական պաշարները, այլև իրավունքները` ինչպես քաղաքական, այնպես էլ այլ։ Նա վստահ է, որ Վաշինգտոնը հավատարիմ է այդ քաղաքականությանը Երկրորդ համաշխարհային պատերազմից ավարտից ի վեր։
«Միայն թե ժամանակ առ ժամանակ ԱՄՆ–ի միջոցները նոր ձևեր են ստանում։ Այդ դեպքում նավթի հանքատեղերի հափշտակությունը ամերիկյան քաղաքականության պրակտիկ ամենաղաղակող օրինակներից է, այդ քաղաքականության էությունը ուրիշների իրավունքների յուրացումն է»,–ընդգծել է նա։
Պատերազմի մասին ճշմարտությունը խեղաթյուրելն անընդունելի է. Մնացականյան
Սիրիայի առաջնորդը չի բացառում, որ հենց նավթն է եղել պատերազմը սկսելու գործոններից մեկը։ Ընդ որում` նա հերքում է տեղեկությունն այն մասին, որ մերժել է Արևմուտքին հարավից հյուսիս գնացող գազատար կառուցելու հարցում` Ռուսաստանի հետ համագործակցության պատճառով։
«Իրականում նման բան չի եղել։ Իսկ արևելքից արևմուտք` Իրանից Իրաքով ու Սիրիայով դեպի Միջերկրական ծով խողովակատարի կառուցման նախագիծ իսկապես եղել է։ Կարո՞ղ էր արդյոք դա պատճառ դառնալ։ Չի բացառվում։ Եթե նավթը կարելի է պատերազմի սկսելու գործոն համարել, ապա այդպիսի հավանականություն կա։ Սակայն դա միակ գործոնը չէ»,–ասել է Ասադը։
Սիրիայի նախագահն ընդգծել է նաև, որ ԱՄՆ–ն պատերազմում է ամբողջ աշխարհի հետ։ Համաշխարհային առաջնորդ լինելու հարցում Վաշինգտոնը չի ցանկանում գործընկերներ ունենալ նույնիսկ ի դեմս Լոնդոնի ու Փարիզի։
«Չէի ասի, որ դրանք «հզոր տերություններ» են, քանի որ այստեղ այլ նշանակություն կա, դրանք դադարել են «հզոր» լինելուց... Ահա ԱՄՆ–ն գործընկերների չի ճանաչում ու այդ պատճառով էլ այժմ պայքարում է»,–նշել է նա։
Այս համատեքստում նա Սիրիայի պատերազմն անվանել է Երրորդ համաշխարհայինի փոքր մոդերը, որը ոչ անմիջականորեն է տարվում։
«Սպիտակ սաղավարտները» PR ակցիա է, իսկ քիմհարձակումը` բեմադրություն. Ասադի պարզաբանումները
Օգոստոսին իրաքյան al-Sumaria հեռուստաալիքը, հղում անելով տեղեկացված աղբյուրի, հայտնել էր, որ Իրանի իշխանությունն Իրաքին նավթատարի աշխատանքի վերականգնման նախագիծ է առաջարկել։ Այդ նավթատարն անցնում է Իրաքի տարածքով դեպի Միջերկրական ծովում գտնվող սիրիական Բանյաս նավահանգիստ։ Սա արվել է Հորմուզի նեղուցում աճող սպառնալիքների ֆոնին։ Իրանը նախորդ տարիներին էլ է առաջարկել նախագիծը, սակայն քանի որ 2014 թվականին ահաբեկիչները գրավել էին Սիրիայի ու Իրաքի տարածքը, նախագծի աշխատանքները դադարեցվել էին։
