ԵՐԵՎԱՆ, 7 սեպտեմբերի – Sputnik. Կորել է Կուտական գյուղի բնակիչ, 15-ամյա Արեգա Մ.-ն, որի որոնողական աշխատանքները սկսվել են երեկվանից: Այս մասին հայտնում է ՀՀ արտակարգ իրավիճակների նախարարությունը:
«Սեպտեմբերի 6-ին, ժամը 21:07-ին «911» ծառայությունն ահազանգ է ստացել, որ Գեղարքունիքի մարզի Կուտական գյուղում երեխա է կորել: Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը»,-նշված է հաղորդագրության մեջ:
Փրկարարները բնակավայրի տարածքում և հարակից արոտավայրերում իրականացնում են որոնողական աշխատանքներ, որոնց մասնակցում են 10 ոստիկան և գյուղի 20 բնակիչ:
Մոսկվայում հայտնաբերել են Վանո Սիրադեղյանի փեսայի եղբորը սպանած տղամարդուն
Երեխայի մայրը հայտնել է, որ դեպքը եղել է նախիրն արոտավայրից տուն տանելու ճանապարհին: Ըստ shamshyan.com-ի`նա դստերն ասել է` սպասի, մինչև կովերին գոմ տանի ու վերադառնա, որ միասին տուն գնան։ Մոտ 10 րոպե անց մայրը գոմից դուրս է եկել և նկատել, որ աղջիկը չկա:
