ԵՐԵՎԱՆ, 2 օգոստոսի – Sputnik. Հայկական երկու հանրապետությունների ռազմական համագործակցության ծրագրի շրջանակում աշխատանքային այցով պաշտպանության բանակում գտնվող ՀՀ ԶՈւ գլխավոր շտաբի պետ, գեներալ-լեյտենանտ Արտակ Դավթյանը, ԱՀ ՊՆ, ՊԲ հրամանատար, գեներալ-մայոր Կարեն Աբրահամյանի ուղեկցությամբ, օգոստոսի 1-ին այցելել է հարավային ուղղությամբ տեղակայված զորամասերից մեկի մշտական տեղակայման վայր և առաջնագիծ: Այս մասին հայտնում է ՀՀ պաշտպանության նախարարության մամուլի ծառայությունը։
![Արտակ Դավթյանն Արցախում է. նա առաջնագիծ է այցելել Արտակ Դավթյանն Արցախում է. նա առաջնագիծ է այցելել - Sputnik Արմենիա](https://cdn.am.sputniknews.ru/img/1989/59/19895964_0:0:1049:709_600x0_80_0_0_06a6d324effe0e6b902d7926dafad5a3.jpg)
ՀՀ ԶՈւ գլխավոր շտաբի պետը տեղում ծանոթացել է օպերատիվ-մարտավարական իրադրությանը, կատարված ինժեներա-ամրաշինական աշխատանքներին, հետաքրքրվել դիրքապահների սոցիալ-կենցաղային պայմաններով, սննդի որակով, ուսումնասիրել ներդրված նորագույն սարքավորումներն ու զինատեսակները:
Անցած տարվա համեմատ առաջնագծում լարվածությունը պակասել է. տեսանյութ դիրքերից
![Արտակ Դավթյանն Արցախում է. նա առաջնագիծ է այցելել Արտակ Դավթյանն Արցախում է. նա առաջնագիծ է այցելել - Sputnik Արմենիա](https://cdn.am.sputniknews.ru/img/1989/59/19895959_0:0:1049:709_600x0_80_0_0_a5eec4aa1569f24b685f69ae9d691dcf.jpg)
Այցի ավարտին գեներալ-լեյտենանտ Արտակ Դավթյանն ու գեներալ-մայոր Կարեն Աբրահամյանը հետևել են նաև հրետանային զորամասերից մեկի հետ անցկացվող զորախաղերի ընթացքին և քննարկել ռազմական համագործակցության և գործողությունների համադրման հետագա անելիքները:
Հայկական անօդաչուներն էլ են թռչում առաջնագծի ողջ երկայնքով. Տոնոյան