ԵՐԵՎԱՆ, 22 հուլիսի - Sputnik. Ստամբուլում տասնյակ երեխաներ բնապահպանական ֆլեշմոբ են արել։
Արդեն երկրորդ տարին է՝ ամեն ուրբաթ տասնյակ դպրոցականներ և ուսանողներ Եվրոպայում ու ԱՄՆ–ում բողոքի խաղաղ ակցիաներ են անցկացնում։ Երիտասարդ ակտիվիստներն իրենց երկրների կառավարություններից պահանջում են բնապահպանական խնդիրների լուծմանն ուղղված վճռական գործողություններ իրականացնել։
Շարժումը ստացել է «Ուրբաթը հանուն ապագայի» անվանումը։ Այն առաջացել է Շվեդիայում, իսկ առաջին ակտիվիստը 15–ամյա Գրետա Տունբերգն էր։
Շարժումը նաև Թուրքիա է հասել։ Ուրբաթ` հուլիսի 19–ին, տասնյակ դպրոցականներ փողոց են դուրս եկել «Եկեք մաքուր պահենք մոլորակը». «Առողջ բնություն` առողջ մարդկություն» և այլ պաստառներով։ Գրառումները եղել են անգլերեն, թուրքերեն ու արևմտահայերեն։ Երիտասարդ ցուցարարների շարքում եղել են նաև հայ երեխաներ, իսկ կազմակերպիչներից մեկը հայազգի Իրեն Բիչակչին է։
Հայ երիտասարդները սրտեր ուղարկեցին երկինք. ֆլեշմոբ` Երևանի կենտրոնում
