ԵՐԵՎԱՆ, 21 հուլիսի – Sputnik. Առաջիկա օրերին Հայաստանի որոշ մարզերում և Երևանում ջերմաստիճանը կշարունակի բարձրանալ։ Մինչև հուլիսի 25-ը տեղումներ չեն գրանցվի։ Այս մասին հայտնում են ԱԻՆ «Հիդրոմետ» ծառայությունից։
«Հանրապետության տարածքում` հուլիսի 21-ի ցերեկը, 22-26-ը սպասվում է առանց տեղումների եղանակ»,-ասվում է ԱԻՆ հաղորդագրության մեջ։
Արագածոտնում օդի ջերմաստիճանը կհասնի +41–ի, Վայոց Ձորում և Արմավիրում` +42–ի։
Մայրաքաղաք Երևանում նույնպես անձրև չի տեղա. ցերեկային ժամերին օդի ջերմաստիճանը կտատանվի +40-ից +42–ի սահմանում, իսկ գիշերը կնվազի մինչև +24 աստիճան։
Շոգ օրերը դեռ առջևում են. եղանակի տեսություն
ՀՀ ԱԻՆ «Հիդրոմետ» ծառայության պետ Գագիկ Սուրենյանն ավելի վաղ հայտնել էր, որ Հուլիսի 21-23-ին Երևանում, Արարատի և Արմավիրի մարզերում, Սյունիքի հովտային գոտում օդի ջերմաստիճանը որոշակի ժամերին կհասնի +40-ից +42 աստիճանի։
