ԵՐԵՎԱՆ, 6 հուլիսի — Sputnik. Երևան-Սևան-Իջևան ավտոճանապարհին գտնվող «Ծովագյուղ» սուպերմարկետի դիմաց Մարտունի քաղաքի բնակիչ, 39-ամյա Հովհաննես Ավետիսյանն իր վարած ВАЗ 2106 մակնիշի 34 VZ 328 համարանիշի ավտոմեքենայով վրաերթի է ենթարկել հետիոտնին։ Այս մասին հայտնում է shamshyan.com–ը։
Դեպքը տեղի է ունեցել այսօր` հուլիսի 6-ին, ժամը 11։30-ի սահմանում։
Վարորդը չի փախել, օգնել է վրաերթի ենթարկվածին՝ այդ պահին դեպքի վայրով անցնող շտապօգնության մեքենայով տեղափոխել Սևանի բժշկական կենտրոն։
Սարսափելի դեպք Երևանում. որդին նկուղում գտել է կախված մորը
Կայքի տեղեկություններով` վրաերթի ենթարկվածը Սիսիանի բնակիչ է, անչափահաս։ Նա Սիսիանի վոլեյբոլի թիմի անդամ է, և թիմակիցների հետ Վանաձորից, որտեղ մասնակցել էին վոլեյբոլի մրցումներին, վերադառնում էին Սիսիան։
Վարորդը ծառայում է ՊՆ N զորամասում։
