ԵՐԵՎԱՆ, 3 հուլիսի – Sputnik. Որոշակի դադարից հետո Հայաստանում կրկին անձրև կտեղա։ «Հիդրոմետ» ծառայության ներկայացրած տվյալների համաձայն` այսօր և վաղը հանրապետությունում տեղումներ չեն գրանցվի։
«Հուլիսի 5-ին հյուսիսային շրջաններում, 6-7-ը` կեսօրից հետո և գիշերը, շրջանների զգալի մասում սպասվում է կարճատև անձրև և ամպրոպ, առանձին վայրերում հնարավոր է նաև կարկուտ»,– նշված է հաղորդագրության մեջ:
Ամպրոպի ժամանակ քամու ուժգնությունը կարող է հասնել 20-25 մ/վ–ի:
Միաժամանակ օդի ջերմաստիճանը մինչև ամսի 4-ն աստիճանաբար կբարձրանա 3-4 աստիճանով, 6-7-ը նույնքանով կնվազի։
Երևանում հուլիսի 3-5-ը սպասվում է առանց տեղումների եղանակ: Հուլիսի 6-7-ը` կեսօրից հետո և գիշերը, սպասվում է կարճատև անձրև և ամպրոպ։
Այսօր մայրաքաղաքում ցերեկային ժամերին օդի ջերմաստիճանը կհասնի +32–ի, իսկ գիշերը կնվազի մինչև +14 աստիճան։
