ԵՐԵՎԱՆ, 23 մայիսի — Sputnik. Ակնհայտ է՝ «Իմ քայլը» դեմ է քվեարկելու ՍԴ դատավորի պաշտոնում ներկայացված Արթուր Վաղարշյանի թեկնածությանը։ Այս մասին գրում է «Ժողովուրդ» օրաթերթը։
«Երեկ «Իմ քայլը» խմբակցությունը Վաղարշյանի թեկնածության հանդեպ իր բացասական վերաբերմունքն անուղղակի ի ցույց է դրել նաև նրա հետ հանդիպման ժամանակ: 88 հոգանոց խմբակցությունից ընդամենը 13 հոգի են մասնակցել այդ հանդիպմանը, ընդ որում՝ ներկա չեն եղել ո՛չ խմբակցության ղեկավար Լիլիթ Մակունցը, ո՛չ էլ քարտուղար Հակոբ Սիմիդյանը»,–գրում է թերթը։
«Իմ քայլը» խմբակցությունից հանդիպմանը ներկա պատգամավորներից Մարիա Կարապետյանը գործընկերների բացակայությունը պայմանավորել է զուգահեռ այլ նիստեր լինելու և լարված աշխատանքի հանգամանքով:
Տղեք, դուրս եկեք իներցիոն տաշտից. փոխնախարարը պաշտոնից ազատվելու դիմում է գրել Փաշինյանին
Բանն այն է, որ ՍԴ դատավորի թափուր պաշտոնում «Իմ քայլը» ցանկանում է տեսնել «Մարտի 1»-ի գործով զոհերի իրավահաջորդների ներկայացուցիչ, փաստաբան Վահե Գրիգորյանին:
Հիշեցնենք, որ ՀՀ նախագահ Արմեն Սարգսյանը ՍԴ դատավորի պաշտոնում ԱԺ է ներկայացրել իրավագետ Արթուր Վաղարշյանի թեկնածությունը։
