ԵՐԵՎԱՆ, 19 մայիսի – Sputnik. Հայաստանի առանձին շրջաններում այսօր` մայիսի 19-ին, սպասվում է անձրև և ամպրոպ, առանձին հատվածներում հնարավոր է կարկուտ: Այս մասին նշված է ՀՀ արտակարգ իրավիճակների նախարարության կայքում։
Ամպրոպի ժամանակ առանձին հատվածներում սպասվում է քամու ուժգնացում՝ 18-20 մ/վ:
«Օդի ջերմաստիճանը մայիսի 20-21-ի ցերեկը կնվազի 4-5 աստիճանով»,– նշված է հաղորդագրության մեջ։
Երևանում նույնպես այսօր հնարավոր է կարճատև անձրև և ամպրոպ: Օդի ջերմաստիճանը ցերեկային ժամերին կհասնի +32 աստիճանի, իսկ գիշերը կտատանվի 15-17 աստիճանի սահմանում։
