ԵՐԵՎԱՆ, 3 ապրիլի — Sputnik. 2019 թվականի առաջին եռամսյակի ընթացքում մեքենաների ներմուծումն աճել է գրեթե 60%–ով։ Այս ամսին այսօր կայացած մամուլի ասուլիսի ժամանակ ասաց Հայաստանի Պետական եկամուտների կոմիտեի նախագահ Դավիթ Անանյանը։
Ընդհանուր առմամբ այս տարվա առաջին երեք ամիսների ընթացքում 22,426 մեքենա է ներկվել 2018 թվականի նույն ժամանակաշրջանի 14,055-ի դիմաց։
Միաժամանակ կրճատվել են յուրաքանչյուր մեքենայի մաքսային վճարումները։ 2019 թվականի առաջին եռամսյակում դրանք կազմել են 432,3 հազար դրամ, իսկ 2018 թվականի առաջին եռամսյակում` 675,8 հազար դրամ։
Մեքենաների մաքսազերծման համար այժմ ավելի քիչ են վճարում, քանի որ մեքենան հաշվիվ–ապրանքագրով (ինվոյս) ձևակերպելը հեշտացել է։ Հսկիչ գներով ստիպված են ձևակերպել միայն այն դեպքում, եթե ինվոյսն ակնհայտորեն կեղծ է (օրինակ, եթե 5 հազար դոլարանոց մեքենան ուզում են հազար դոլարանոցի տեղ մաքսազերծել)։
Ինչպես և նախկինում, Հայաստան բերված մեքենաների 90% համեմատաբար էժան են (մինչև 5 հազար դոլար)։ Դրանք հիմնականում գնում են ոչ թե ավտոսրահներում, այլ «ձեռքից» (միայն մի քանի տոկոսն են ավտոսրահներից գնում)։
Ինչ վերաբերում է ներմուծման աճին, ապա Անանյանը նշեց, որ այն լրիվ իրական է։ Պետք չէ մտածել, որ նախկինում մեքենաները «ծանոթով» էին ձևակերպում, իսկ հիմա բարեխղճորեն գրանցում են։ Նա ընդգծեց, որ մեքենաները միշտ էլ գրանցել են։
Նշենք, դեռ 2017 թվականից սկսել են ավելի շատ մեքենա ներկրել Հայաստան։ Եթե 2016 թվականին 17 հազար մեքենայից մի փոքր քիչ են ներկրել, ապա 2017 թվականին` 39 հազար, իսկ 2018 թվականին` ավելի քան 67 հազար։ Ճիշտ է` աճը մասնավորապես տեղի է ունեցել աջակողմյան մեքենաների ներկրման հաշվին, որոնք ուզում էին հասցնել բերել մինչ արգելքը (որը վերջնականապես ուժի մեջ կմտնի 2019 թվականի մայիսի 1–ին)։
Եթե 2019 թվականին ներկրումը նույն ոգով շարունակվի, ապա մեկ տարվա ընթացքում կարող է գրեթե 90 հազար մեքենա Հայաստան բերվել։
