ԵՐԵՎԱՆ, 26 դեկտեմբերի – Sputnik. Հանրապետության տարածքում դեկտեմբերի 26-ին տեղումներ չեն գրանցվի։ Առանց տեղումների եղանակ կլինի նաև դեկտեմբերի 29-ի ցերեկը և 30-ին։ Այս մասին նշված է ՀՀ արտակարգ իրավիճակների նախարարության կայքում հրապարակված հաղորդագրության մեջ։
Դեկտեմբերի 27-ին առանձին շրջաններում, 28-ին շրջանների զգալի մասում, 29-ի գիշերը Վայոց ձորում, Սյունիքում և Արցախում սպասվում են տեղումներ, 27-ին լեռնային և նախալեռնային շրջաններում, 28-ին ամենուրեք՝ ձյուն, 27-ին առանձին շրջաններում սպասվում է քամու ուժգնացում՝ 15-20 մ/վ։
«Օդի ջերմաստիճանը դեկտեմբերի 28-29-ը կնվազի 8-10 աստիճանով»,– կանխատեսում են օդերևութաբանները:
Այսօր Երևանում նույնպես տեղումներ չեն գրանցվի։ Դեկտեմբերի 27-28-ը սպասվում են տեղումներ, 28-ին՝ ձյան տեսքով:
Մայրաքաղաքում օդի ջերմաստիճանն այսօր ցերեկային ժամերին կտատանվի 6-8, գիշերային ժամերին` 2-4 աստիճան տաքության սահմանում։
