ԵՐԵՎԱՆ, 2 նոյեմբերի — Sputnik. Հայաստանի արտգործնախարարի պաշտոնակատար Զոհրաբ Մնացականյանը պրոֆեսիոնալ զգուշություն է ցուցաբերել Իրանի հարցում` ի տարբերություն վարչապետ Նիկոլ Փաշինյանի։ Նման կարծիք հայտնեց ՀՀԿ պատգամավոր, արտաքին հարաբերությունների մշտական հանձնաժողովի նախագահ Արմեն Աշոտյանը 2019թ–ի պետբյուջեի նախագծի քննարկումների ժամանակ։
Մասնավորապես, Աշոտյանը խնդրեց ԱԳՆ ղեկավարի պաշտոնակատար Զոհրաբ Մնացականյանին բացատրություն տալ Նիկոլ Փաշինյանի երեկվա հայտարարության մասին։ Նախօրեին Փաշինյանը հայտարարել է, որ Իրանի հետ սահմանը կարող է ցանկացած պահի փակվել։
Մնացականյանը պատասխանեց, որ Հայաստանը գնահատում է ռիսկերն իր արտաքին անվտանգության համար։ Պետք է հիշել, որ Իրանը Հայաստանի կարևորագույն գործընկերներից է։ Երկխոսության և գործընկերային կապերի միջոցով պետք է կրճատել նման ռիսկերը։
«Իրանի հետ հարաբերություններն ամենահեռնակարայիններից են մեզ համար, և մենք ուշադրություն ենք դարձնում դրան մեր գործընկերների հետ բանակցություններում», – ասաց Մնացականյանը։
Աշոտյանը պատասխանեց. «Ձեր արձագանքը ցույց է տալիս, որ դուք չեք ուզում ուղիղ պատասխան տալ։ Եվ ես լավ հասկանում եմ այդ հարցում մասնագիտական զգուշության անհրաժեշտությունը։ Ես շատ ուրախ եմ, որ դուք դրսևորել եք այն։ Ցավոք, նման ըմբռնում և զգուշություն մենք չենք տեսել վարչապետ Նիկոլ Փաշինյանից»։
