ԵՐԵՎԱՆ, 27 սեպտեմբերի — Sputnik. 2019 թվականին Հայաստանում մոր և երեխայի առողջության թիրախային ծրագիր կգործարկվի։ Կառավարությունը համապատասխան որոշումը հաստատեց սեպտեմբերի 27-ի նիստում։
Մասնավորապես, առաջարկվում է ուժեղացնել կանանց հսկողությունը հղիության բոլոր փուլերում։ Բարդ դեպքերը հատուկ հսկողության տակ կլինեն։
Բացի այդ, կուժեղացվի մորից երեխային ՄԻԱՎ փոխանցելը կանխելու աշխատանքը։ Ռիսկի խմբում գտնվող բոլոր հղի կանանց, ինչպես նաև նրանց բժիշկներին կտրամադրվի խորհրդատվություն։
Հիվանդանոցներում և պոլիկլինիկաներում ապագա մայրերին կօգնեն հղիության պատրաստվել թե՛ հոգեբանորեն, թե՛ ֆիզիկապես։ Գլխավոր նպատակն է օգնել ավելի լավ և անվտանգ տանել այդ ամիսները։
Պետական բժշկական օգնությունը կտրամադրվի ոչ միայն ծննդաբերության ժամանակ, այլ նաև երեխայի ծնվելուց հետո 42 օրվա ընթացքում։ Դա վերաբերում է և՛ նորածինների նեոնատալ հիվանդություններին, և՛ թերքաշ երեխաների խնամքին։
