Մայրերին աջակցող և երկար սպասված օրենքը ուժի մեջ կմտնի հուլիսի 7-ին։
Պեպանյանի խոսքով` երեխայի ծնողը, որը գտնվում է երեխայի խնամքի արձակուրդում, դայակի կամ վճարովի խնամք իրականացնող կազմակերպությունների հետ կնքում է պայմանագիր, որով սահմանված վարձավաճարի 50 տոկոսի չափով պետությունն աջակցություն է տալիս։ Օրինակ` եթե մանկապարտեզը կամ դայակի ծառայության վճար է 80 հազար դրամ է, պետությունն աջակցում է այդ գումարի կեսի չափով, այսինքն` 40 հազարը։
Այդ գումարը չպետք է գերազանցի նվազագույն աշխատավարձի չափը, որը տվյալ պահին 55 հազար դրամ է կազմում։
«Ծրագիրն այն անձանց համար է, ովքեր մինչև երկու տարեկան երեխայի խնամքը կազմակերպելու խնդիր ունեն և ուզում են շուտ վերադառնալ աշխատանքի»,- ասաց Պեպանյանը։
Առաջնահերթությունը տրվելու է այն ծնողներին, որոնց աշխատավարձը չի գերազանցում 195 հազար դրամը։
