ԵՐԵՎԱՆ, 18 սեպտեմբերի — Sputnik. Մինչ հասարակությունն ու ԶԼՄ-ները քննարկում են երգիծաբաններ Եվգենի Պետրոսյանի ու Ելենա Ստեպանենկոյի ամուսնալուծությունը, 73 տարեկան արտիստը շարունակում է ակտիվություն դրսևորել սոցցանցերում ու նոր լուսանկարներ է հրապարակում։
Այս անգամ Պետրոսյանը երկար տարիների ընթացքում առաջին անգամ որոշել է փոխել իր իմիջը և Instagram-ում լուսանկար է հրապարակել։
«Ձեր մեկնաբանություններն եմ կարդում։ Ես այսօր նորաձև եմ։ Չեմ սափրվել», — մեկնաբանել է նա իր լուսանկարը։
Օգտատերերը կարծում են, որ նա համարձակվել է այդպիսի փոփոխություններ անել իր ծննդյան օրվա առթիվ։ Սեպտեմների 16-ին նա 73 տարեկան է դարձել։
Որքան էլ զարմանալի է, բայց բաժանորդները դրական մեկնաբանություններ են գրել` նշելով, որ «թեթև մորուքը» սազում է Պետրոսյանին։ Մարդիկ բազում հաճոյախոսություններն են շռայլել։
Միայն մի քանի բաժանորդներ են նշել, որ Պետրոսյանն «ընկճված ու հոգնած տեսք ունի»։ Նրանք վստահեցրել են, որ ապահարզանը արտիստի վրա ակնհայտորեն վատ է անդրադարձել։
Քանի դեռ բոլորը քննարկում են Եվգենի Պետրոսյանի ու Ելենա Ստեպանենկոյի աղմկահարույց բաժանումը` ամեն կերպ հոլովելով արտիստի նոր ընկերուհու անունը, տարեց արտիստը փորձում է սոցցանցերում հրապարակել նոր լուսանկարներ, որոնցում նա պատկերված է ոճային պիջակով։ Բաժանորդներն ակտիվորեն քննարկում են արտիստի արտաքինն ու նշում են, որ նա նիհարել ու երիտասարդացել է։
Երկրպագուները հավանել են երգիծաբանի նոր կերպարը. «Հաճելի է տեսնել ձեզ։ Հիանալի տեսք ունեք։ Ինչպես ասել է Սողոմոն արքան` ամեն ինչ անցնում է, դա էլ կանցնի», «Հիանալի տեսք ունեք»։
Իսկ հայաստանցի օգտատերերը առաջարկել են արտիստին. «Մեզ մոտ եկեք, սիրելիս, մեզ մոտ օդն ավելի մաքուր է»։
Նշենք, որ ավելի վաղ մամուլում հրապարակվել էին փորձագետների կարծիքները, որոնք ապացուցում էին` արտիստը պլաստիկ վիրաբույժների օգնությամբ է փորձել դուր գալ երիտասարդ սիրուհուն` 29-ամյա Տատյանա Բրուխունովային։
Պլաստիկ վիրաբույժ Անդրեյ Կովինցևը բացահայտել է՝ ինչ խորամանկությունների է դիմել Եվգենի Պետրոսյանը, որպեսզի իր տարիքից փոքր երևա, իսկ հոգեբան Այնա Գրոմովան վերլուծել է դերասանի արտաքին տեսքի ու անձնական կյանքի հանկարծակի փոփոխությունները։
Պետրոսյանի երիտասարդանալու փորձերը բարձր է գնահատում պլաստիկ վիրաբույժ Անդրեյ Կովինցևը։ Բժիշկը նշում է, որ պլաստիկ բժշկության մասնագետները նուրբ ու վարպետորեն են աշխատել Պետրոսյանի դեմքի վրա․ արտիստը չի կորցրել իր դեմքը, բայց օբյեկտիվորեն ավելի լավ ու ավելի երիտասարդ տեսք է ստացել։
«Երգիծաբանի փոփոխությունները որակյալ աշխատանքի գրագետ օրինակ են։ Նկատելի կնճիռները վերացել են, դեմքի կլորը ձգվել է, մաշկի գույնն ավելի թարմ ու հավասար է դարձել։ Ամենայն հավանականությամբ՝ արտիստին բոտուլոտոքսինի ներարկումներ են արել ճակատի, հոնքերի միջնամասի ու վերևի հատվածում, նաև քթաշուրթային հատվածում ու աչքերի շուրջ։ Բացի այդ, հնարավոր է մաշկի կենսաբանական նորացում է անցկացվել, չի կարելի բացառել ֆիլերների ներարկումը։ Կարծես նաև մեզոնտի է կիրառվել մաշկի կախվածությունը վերացնելու և դիմագծերը հստակեցնելու համար։ Շատ հնարավոր է, որ նաև SMAS-լիֆթինգ է անցկացվել։ Շատ կարևոր է, որ արտաքինը նկատելիորեն լավացել է, բայց նա անճանաչելի չի դարձել, ինչպես հաճախ լինում է կին աստղերի դեպքում», — ասել է պլաստիկ վիրաբույժը։
Թեև նույնիսկ պլաստիկ վիրահատության գուրուները չեն կարող վերադարձնել Եվգենի Պետրոսյանի երիտասարդությունը, այդուհանդերձ երգիծաբանն իսկապես շատ ավելի երիտասարդ տեսք ունի և ակնհայտ է, որ նա պատրաստ է պայքարել երջանիկ լինելու իր իրավունքի համար։ Մասնագետների կարծիքով՝ այդ երջանկությունը երկար չի տևի, քանի որ անհավասար զույգը վաղ թե ուշ կբաժանվի։ Նրանք կարծում են, որ անհավասար զուգընկերոջը դուր գալու փորձեր անելիս գլխավորն այն է, որ մարդը չկորցնի բանականությունն ու պահպանի իր առողջությունը։
Հիշեցնենք, որ աստղային զույգի ամուսնալուծության մասին հայտնի դարձավ օգոստոսի 3-ին։ Ստեպանենկոն Պետրոսյանի հետ համատեղ ձեռք բերած ունեցվածքը կիսելու վերաբերյալ հայց է ներկայացրել դատարան։ Երգիծաբանի փաստաբան Սերգեյ Ժորինի խոսքով` նա ուզում է ստանալ ունեցվածքի ավելի քան 80%-ը։ Պետրոսյանը պատասխան հայց է ներկայացրել, որում առաջարկում է ունեցվածքը հավասարապես բաժանել երկու մասի։ Պետրոսյանն ու Ստեպանենկոն մոտ 30 տարի միասին են ապրել։
