ԵՐԵՎԱՆ, 12 սեպտեմբերի — Sputnik. Ամերիկահայ միլիոնատեր Ալեքսիս Օհանյանի կնոջ` ամերիկացի թենիսիստուհի Սերենա Ուիլյամսի ծաղրանկարի հեղինակին կարող են դատել ռասիզմի համար։
Ավստրալիացի նկարիչ ու ծաղրանկարիչ Մարկ Նայթի ծաղրանկարը հրապարակվել է երկուշաբթի` Ավստրալիայի ամենահայտնի Herald Sun թերթում։ Սերենան պատկերված է սևամորթներին բնորոշ չափազանցված դիմագծերով` խոշոր կարմիր շուրթերով, լայն, տափակ քթով, գանգուր մազերով։
Նայթը փոխել է ոչ միայն Սերենայի, այլև նրա մրցակցի` Նաոմի Օսակայի դիմագծերը։ Ծաղրանկարիչը նրան շիկահեր է պատկերել, թեև ճապոնացու մաշկի գույնը մուգ է, քանի որ նա կիսով չափ հաիթցի է։ Ծաղրանկարում պատկերված դատավորն ասում է ճապոնացի թենիսիստուհուն. «Գուցե պարզապես թողնես, որ հաղթի՞»։
That racist Serena Williams cartoon is sadly illustrative of Australian cartoonists: https://t.co/KQ0NWjXF48 pic.twitter.com/61jvJ0HZ7b
— Slate (@Slate) 12 сентября 2018 г.
Ծաղրանկարիչը խոստովանել է, որ իր նպատակը եղել է թենիսիստուհուն պատկերել հիստերիայի պահին։ Բայց պետք է ասել, որ նրա նկարն է իսկական հիստերիա առաջացրել համացանցում։
Սոցցանցերը ողողվել են վրդովված մեկնաբանություններով, որոնցից մեկի հեղինակն էլ Հարրի Փոթերի մասին գրքերի հեղինակ Ջոան Ռոուլինգն է։
Նա իր թվիթերյան էջում գրել է, որ ծաղրանկարի հեղինակին հաջողվել է նսեմացնել ժամանակակից ամենամեծ մարզիկներից մեկին ։
Հիշեցնենք, որ ԱՄՆ բաց առաջնության եզրափակիչ փուլում Ուիլյամսը զիջել էր ճապոնացի Նաոմի Օսակեին, և խաղն ավարտվել էր 2:6, 4:6 հաշվով։ Մրցավար Կարլոս Ռամոսը կանոնները երեք անգամ խախտելու համար (մարզչի հուշում, կոտրած ռակետ և մրցավարին վիրավորանք հասցնելու) երկրորդ սեթում տուգանել էր Ուիլյամսին մեկ խաղով։ Ամերիկուհին Ռամոսին մեղադրել էր սեքսիզմի մեջ։
