ԵՐԵՎԱՆ, 22 օգոստոսի — Sputnik. Դրական միտումներ են տեղի ունենում Հայաստանի տնտեսության մեջ։ Այս մասին հայտարարեց ՀՀ վարչապետը իր ֆեյսբուքյան ուղիղ եթերի ընթացքում:
«Հունիսին մենք ունեինք 9,6 % տնտեսական ակտիվության ցուցանիշ. հուլիսին ունեցանք արդեն 11,1 տոկոս ցուցանիշ։ Հույս ունեմ, որ նույն ցուցանիշները կպահպանվեն նաև օգոստոսին և կավելանան»,-ասաց Փաշինյանը։
Ըստ վարչապետի՝ արագ զարգացող երկրներում շատ կարևոր է, որ կառավարությունը իր տեսլականը ներկայացնի, թե ինչպես է պատկերացնում տնտեսական զարգացման ուղին։
«Մեր տնտեսության լոկոմոտիվի դերում տեսնում ենք բարձր տեխնոլոգիական արդյունաբերությունը։ Սա վերաբերում, ինչպես ասում են կոշտ արտադրանքին։ Հայաստանում այս առումով ներդրումային հետաքրքրություններ կան։ Այսօր արդեն բարձր տեխնոլոգիական արտադրանքի որոշակի հիմք կա։ Կառավարության խնդիրն է խթանել այս պրոցեսները։ Հայաստանում հետարքրքություն կա արևային պանելներ արտադրելու։ Սա հեռանակարային կարող է լինել, որովհետև արևային էներգետիկան գնալով զարգանում է ողջ աշխարհում»,-մանրամասնեց վարչապետը։
Նա շեշտեց, որ Հայաստանը պետք է լինի բարձր տեխնոլոգիայի երկիր, որը հող կստեղծի ռազմարդյունաբերության համար, ինչը կբարելավի ՀՀ անվտանգությունը։
«Աշխարհում արագ զարգանում են բիոտեխնոլոգիանները։ Մեր բազմաթիվ հայրենակիցներ տարբեր երկրներում ներգրաված են այս ոլորտում։ Մենք խրախուսում ենք Հայաստանում դրանց դուստր ձեռնարկություններ բացելը։ Այդպիսին կարող է լինել ասենք` դեղագործությունը։ Մենք ուղերձ ենք հղում, որ կառավարությունը պատրաստ է և բաց է համագործակցության համար»,-ասաց Նիկոլ Փաշինյանը։
Նա շեշտեց, որ Հայաստանի համար նաև կարևոր է ադամանդագործությունը, որ ժամանակին լավ զարգացած է եղել մեր երկրում։ Կառավարությունը, ըստ նրա, խրախուսում է ադամանդագործության և ոսկեգործության ներդումային ծրագրերը։
«Հայաստանի համար կարևոր է նաև թեթև արդյունաբերության ոլորտը։ Եվ ես ուրախ եմ, որ տեքստիլ արտադրության ոլորտում աշխուժացում արդեն կա։ Մենք ուղղակի պիտի աջակցենք այդ արտադրանքը դրսի շուկաներ դուրս տանելու համար»,-ասաց Փաշինյանը՝ հավելելով, որ ՀՀ տնտեսությունը պետք է լինի արտահանմանը միտված, քանի որ Հայաստանյան շուկան շատ փոքր է, և միայն այդ շուկայով չենք կարող տնտեսական քաղաքականություն վարել։
Նա շեշտեց, որ պետք է խրախուսվի արտադրողը, որն էլ իր հերթին պետք է այնպիսի որակ ու գին ապահովի, որ տեղական սպառողն այն ընտրի։
Վարչապետը հիշեցրեց, որ ինքը կոշիկների և հագուստի հարցում հաճախ հաճույքով է առավելությունը տալիս եմ տեղական արտադրանքին՝ թեկուզ մասնավոր պատվերների միջոցով։
