ԵՐԵՎԱՆ, 17 օգոստոսի — Sputnik. Հայաստանի վարչապետ Նիկոլ Փաշինյանն ամփոփեց կառավարման հարյուր օրվա տնտեսական արդյունքները Երևանում կազմակերպված հանրահավաքի ժամանակ։
«Ամբողջ աշխարհում վերլուծաբաններն ակնկալել են, որ Հայաստանում հեղափոխությունից հետո տնտեսական անկում կլինի։ Բայց ամեն ինչ հակառակը եղավ։ Հունիսին տնտեսական ակտիվությունը կազմել է 9,6 տոկոս, իսկ 12 ամիսների ընթացքում` 8,9 տոկոս», — ասաց Փաշինյանը։
Նա նաև նշեց, որ մարդիկ սկսել են վերադառնալ հանրապետություն։ Մայիսի 10-ից օգոստոսի 14-ը Հայաստան 30 հազարով ավելի շատ մարդ է ժամանել, քան հեռացել։ 2017թ-ի նույն շրջանում հեռացողները վեց հազարով ավելի շատ են եղել։ Բացի այդ, երկիր այցելած արտասահմանցիների թիվը 34 հազարով մեծ է եղել։
Վերջին երեք ամիսների ընթացքում հարկային ծառայությունը 28,8 մլրդ դրամով ավելի շատ է հավաքել անցած տարվա նույն շրջանի համեմատ։ Ընդ որում ոչ վերավճարների հաշվին դրանք կրճատվել են 26 միլիարդով։
«Վերջապես երկրում լիկվիդացվել են մենաշնորհները, և յուրաքանչյուրը կարող է զբաղվել ցանկացած ձեռնարկատիրությամբ», — հայտարարեց Փաշինյանը։
Վերջին երեք ամսում հայաստանյան բանկերի վարկային պորտֆելը աճել է 99 մլրդ դրամով, այսինքն՝ այսքան ավել վարկ են վերցրել ՀՀ քաղաքացիները և ներդրել են բիզնեսի մեջ։
2018 օգոստոսի 1-ի դրությամբ ՀՀ-ից արտահանել է այնքան միրգ ու բանջարեղեն, որքան նախորդ տարի ամբողջը միասին վերցրած։
Նրա խոսքով` տնտեսությունում ընտրյալներ չեն լինի, և բոլորը հավասար հնարավորություններ կունենան։
Փաշինյանը հավաստիացրեց, որ ոչ մեկից բիզնեսը չեն խլի։
