ԵՐԵՎԱՆ, 31 հուլիսի — Sputnik. Ցզյանսիի իշխանությունները լրջորեն ձեռնամուխ են եղել «միայն դիակզիում» քաղաքականությանը։
Սրա հիմնական նպատակը հողային տարածքների պահպանումն է. արդեն բազմաթիվ պրովինցիաներ են միանում այս քաղաքականությանը և իրենց առաջ նպատակ են դրել մինչև սեպտեմբեր ամբողջությամբ անցնել դիակիզման։ Այս մասին հայտնում է South China Morning Post պարբերականը։
Պարբերականը լուսանկարներ ու տեսանյութեր է ներկայացնում, որոնք օրերս տարածվել են Չինաստանի սոցիալական կայքերում։ Դրանք վկայում են, որ Չինաստանի որոշ քաղաքներում դագաղները առգրավում ու ոչնչացվում են։ Էքսկավատորը ոչնչացնում էր փայտե դագաղները, միաժամանակ բազում տարեց մարդիկ դագաղների մեջ էին պառկում ու փորձում պահպանել դրանք։
Ավելի վաղ տեղի իշխանությունները հուղարկավորությունների դեմ այնպիսի միջոցներ էին ձեռնարկել, ինչպիսին է օրինակ դագաղ արտադրելը կամ այն ունենալը։ Տեղացիների խոսքով` աղքատ ընտանիքներին տարիներ են պահանջվում դագաղ պատրաստելու համար, որը վաճառքում արժե 5 հազար յուան, իսկ իշխանությունները, որպես փոխհատուցում, միայն 2 հազար յուան են առաջարկում։ Դագաղներից բացի պաշտոնյաները արգելում են նաև մի շարք ծիսակատարություններ։
Չինացիներից շատերի համար աներևակաելի է` ինչպես է կարելի թաղված չլինեն հողի մեջ. տեղի կրոնական ավանդույթների համաձայն` մահացածի մարմինը պետք է ամբողջական լինի։
Բայց չինացիները ինչպես միշտ ճարը գտնում են. որոշ քաղաքացիներ օգտվում են «մարմին վաճառողների» ծառայություններից. նրանք այրում են ուրիշի մարմինը, ստանում մահվան վկայական, իսկ իրենց հարազատինը թաղում հին ձևով:
Որոշ քաղաքացիներ «մարմինների վաճառողների» ծառայություններից են օգտվու, որ այլ մարդու մարմին այրել, վկայական ստանալ, իսկ բարեկամի մարմինը անվնաս թողնել։ Բնականաբար, այդպիսի գործարքներն ու ծեսերը գաղտնի են անցկացվում։
Չինական դիակիզարաններից մեկի աշխատակիցը նշում է, որ շատերը գիտակցում են բնապահպանական խնդիրների ծավալը, սակայն ավագ սերնդի համար դա անընդունելի է, մարդիկ ուզում են ավանդական ձևով հուղարկավորվեն, այդ պատճառով ծնողների ցանկությունը կատարելու համար երեխաները հանցագործության են գնում։
Պետք է նշել, որ չինական հուղարկավորության ընթացքում կարելի է ականատես լինել բավականին տարօրինակ տեսարանների, որոնք ավանդական արարողակարգի մաս են եղել։ Ընդհանրապես համարվում է` որքան ավելի շատ մարդ գա հուղարկավորության, այնքան ավելի պատվաբեր է դա մահացածի համար. չինաստանում հանգուցյալի բարեկամները հաճախ հյուրեր գրավելու համար ամենատարբեր հնարքներ են օգտագործում` հարվիրում են արտիստների, երգիչների, պարողների ու նույնիսկ մերկապարուհիների։
