ԵՐԵՎԱՆ, 29 մայիսի — Sputnik. ՀՀ կառավարությանն առընթեր քաղաքացիական ավիացիայի գլխավոր վարչության կողմից երկու ավիաընկերություն ստացել են թույլտվություն Սուրգուտ-Երևան-Սուրգուտ և Օդեսա-Երևան-Օդեսա երթուղիներով կանոնավոր չվերթեր իրականացնելու համար:
Ռուսական Utair ավիաընկերությունը Սուրգուտ-Երևան-Սուրգուտ երթուղով չվերթերը կիրականացնի հունիսի 14-ից, շաբաթական մեկ չվերթ հաճախականությամբ՝ յուրաքանչյուր հինգշաբթի:
Օդեսա-Երևան-Օդեսա երթուղով չվերթերի մեկնարկը կտրվի հուլիսի 7-ին: Թռիչքները կիրականացնի ուկրաինական Ukraine International Airlines ավիաընկերությունը յուրաքանչյուր շաբաթ օր:
