ԵՐԵՎԱՆ, 9 մայիսի — Sputnik. ՀՀ ԱԺ նախագահ Արա Բաբլոյանն այսօր Հաղթանակի զբոսայգում պատասխանել է լրագրողների հարցին, թե ինչո՞ւ երեկ ԱԺ նիստի ավարտին չշնորհավորեց Փաշինյանին` վարչապետ ընտրվելու կապակցությամբ։
«Չկարողացա, որովհետև ուղղակի չկարողացա, ծափ տվեցին»,– ասել է Բաբլոյանն, ապա հավելել. «Ես շնորհավորում եմ»:
Արա Բաբլոյանը նաև նշել է, որ ՀՀԿ–ն մնում է իր դիրքորոշմանը հավատարիմ և անելու հնարավորը` ի շահ Հայաստանի։
«Մենք պետք է անենք ամեն ինչ հանուն երկրի կայունության և ժողովրդի բարօրության», — ասել է ԱԺ նախագահը։
Հիշեցնենք, երեկ ԱԺ նախագահ Արա Բաբլոյանը Նիկոլ Փաշինյանի` վարչապետի պաշտոնում ընտրության արդյունքները հրապարակելուց հետո ԱԺ–ի հատուկ նիստը հայտարարել է փակված և չի շնորհավորել Փաշինյանին` ընտրվելու կապակցությամբ։
