ԵՐԵՎԱՆ, 6 մարտի — Sputnik. Քաղաքական վերլուծաբան, Գլազգո համալսարանի մագիստրոս Բրեդլի Ժարդինը հրապարակել է Հայաստանում գտնվող ավտոբուսային կանգառ, որը իրարանցում է առաջացրել քաղաքագետի բաժանորդների շրջանում։
Մասնավորապես, Guardian, Moscow Times և Eurasianet պարբերականների սյունակագիրը Twitter–ի էջում Հայաստանով իր շրջագայությունից մի քանի լուսանկար է տեղադրել։ Քաղաքական վերլուծաբանն այցելել է մի քանի հետաքրքիր վայրեր` Ագարակ, Մեղրի, Եղեգնաձոր, ինչպես նաև Նախիջևանի սահմանին տեղակայված Կարմիր Վանք եկեղեցու ավերակներ։
Ամենից շատ օգտատերերին հիացրել է Եղեգնաձորում ավտոբուսի «հալումաշ եղած» կանգառի լուսանկարը։
«Սիրում եմ հին խորհրդային ժանգոտած ավտոբուսի կայարանները։ Այս վինտաժային գեղեցկությունը գտնվում է Եղեգնաձորում, Հայաստան», – լուսանկարը մակագրել է փորձագետը։
I love old rusty Soviet bus stations. This vintage beauty is in Yeghegnadzor, Armenia. pic.twitter.com/jNfUgjU0VD
— Bradley Jardine (@Jardine_bradley) 4 марта 2018 г.
Ինչպես գրում է լուսանկարի հեղինակը, նրան թվացել է, որ Հայաստանում մի շարք վայրեր հետհայտնության բնապատկերների են նման։ Գործարանների լքված շենքերն ու կիսավեր կառույցներն իրենց գործն անում են. փորձագետի ընկերներն անմիջապես Հայաստանն անվանել են իդեալական վայր հերթական հետհայտնության ֆիլմ կամ սերիալ նկարահանելու համար։
