ԵՐԵՎԱՆ, 6 փետրվարի — Sputnik. Ռուսական առաջին ալիքով հեռարձակվող «Թող խոսեն» («Пусть говорят») հաղորդման եթերում իսկական լեզվակռիվ են սկսել Արմեն Ջիխարխանյանի նախկին կանայք` Տատյանա Վլասովան և Վիտալինա Ցիմբալյուկ–Ռոմանովսկայան` անազնիվ լինելու մեղադրանք ուղղելով միմյանց։
Արմեն Բորիսովիչի և Վիտալինայի սկանդալային ամուսնալուծությունից և դրան հաջորդած տեղեկատվական տևական պատերազմից հետո դերասանի կանանց համար առաջին անգամ առերես հանդիպում են կազմակերպել։
Վլասովան մեղադրել է Ցիմբալյուկին` իր մենակ է մնալու համար։ Նա խոստովանել է, որ հեռուստատաղավար գալուց առաջ վախեցել է, որ անմիջապես կների «բարի գործեր անող և հրեշտակի ձայնով նրբագեղ մատնաչափիկին»։
«Վախենում էի, որ հանկարծ կներեմ, չէ՞ որ նա այնքան լավն ու բարին է երևում։ Եվ հանկարծ հասկացա` ոչ, չեմ ներելու։ Նման բաները ներել չի կարելի։ Ինչո՞ւ պետք է ներեմ այս «ճերմակ» էակին նրա համար, որ կյանքի վերջում միայնակ մնացի։ Թեև ինքն ասում է, թե իբր «նա (Ջիգարխանյանը) միայնակ էր, ես նրան փրկեցի»։ Նման բան չկար, նա ապրում էր ուզածի պես», – ասել է Վլասովան։
Ջիգարխանյանի առաջին կինը նշել է, որ տեսել է, թե ինչպես է Վիտալինան դերասանին կարմիր խավիարով բուտերբրոդներ ու կոկա–կոլա տալիս, թեև նա դիաբետիկ է, և դրանք հակացուցված են դերասանին։
Վիտալինան ասել է, որ որոշել է հաղորդմանը մասնակցել սեփական անձն ինչ–որ կերպ պաշտպանելու համար։ Դաշնակահարուհին պնդել է, որ հեռավոր 1997 թվականին, երբ ծանոթացել է Ջիգարխանյանի հետ, նա շատ միայնակ է եղել։ Այն ժամանակ Տատյանա Սերգեևնան արդեն Ամերիկա էր մեկնել։
«Արմեն Բորիսովիչի հետ հանդիպում էինք նրա տանը, ես հաստատ գիտեմ, որ նա մենակ էր ապրում», – ասել է Ցիմբալյուկը հաղթանակած դեմքով։
Վլասովան այս պնդման հետ չի համաձայնել` հայտարարելով, որ Արմեն Բորիսովիչի հետ ամեն ինչ լավ էր։ Ավելի ուշ հարևանները Վլասովային պատմել են, որ ինչ-որ կին իսկապես գալիս էր նրանց բնակարան և երկար մնում, սակայն, երբ Տատյանա Սերգեևնան վերադառնում էր, հավաքում էր իրերն ու անհետանում։ Վլասովան ակնարկել է, որ Վիտալինան չի փայլում բարոյականությամբ։
«Այդ մասին խոսում է մի կին, որը որդուն ունեցել է ամուսնացած չլինելով և փախել է Արմեն Բորիսովիչի հետ` լքելով փոքրահասակ երեխային», – նշել է Վիտալինան։
Վիտալինան չի հերքել, որ սկզբում նրանք թաքցրել են իրենց սիրավեպը, բայց 2009 թվականին արդեն գաղտնի պահելու իմաստ չեն տեսել։
Կանայք միմյանց հասցեին մեղադրանքներ ու դժգոհություններ են հնչեցրել։ Հաղորդման ընթացքում Վիտալինան միտումնավոր չէր նայում Տատյանա Սերգեևնային գերադասելով կենտրոնանալ իր ոտքերի, առաստաղի կամ հանդիսատեսի վրա։
Հաղորդման ավարտին հաղորդավար Դմիտրի Բորիսովը հայտարարեց, որ անկախ այն բոլոր տարբերություններից, որոնք ունեն Ջիգարխանյանի նախկին կանայք, մի ընդհանրություն կա. Արմեն Բորիսովիչը Տատյանա Սերգեևնայից բաժանվելուց հետո մեղադրում էր նրան ամբողջ գույքն ու փողերը վերցնելու մեջ, և նույն ճակատագրին արժանացավ նաև Վիտալինան։
Կանայք խոստովանեցին, որ իսկապես նրանց կենսագրության այդ մասը նմանություն ունի։ Դա, հավանաբար, միակ պահն էր ամբողջ ծրագրի ընթացքում, երբ Ցիմբալյուկ–Ռոմանովսկայան և Վլասովան համաձայնեցին իրար հետ։
