ԵՐԵՎԱՆ, 28 դեկտեմբերի — Sputnik. Կանանց, ծերերի ու երեխաներ նկատմամբ բռնությունը պետք է խստորեն պատժվի։ Այս մասին նշված է «Կանանց նկատմամբ բռնության և ընտանեկան բռնության կանխարգելման և դրանց դեմ պայքարի» կոնվենցիայում, որը դեկտեմբերի 28-ին հավանության արժանացրեց Հայաստանի կառավարությունը։
Այս կոնվենցիան կոչ է անում օրենսդրության մեջ ամրագրել անհարժեշտ բոլոր միջոցները նման գործողությունների դեմ, ուժեղացնել իրավապահ մարմինների հսկողությունն ու ընտանիքում բռնության ցանկացած դրսևորման շուրջ հանրության հետ քննարկելու աշխատանքները։
Կառավարությունը կոնվենցիան հավանության արժանացրեց, բայց մի շարք վերապահումներով։ Դրանցից մեկը վերաբերում է պետության փոխհատուցմանը (եթե աջակցության մյուս միջոցները թույլ չեն տալիս վերականգնել առողջությունը)։ Հայաստանն ուզում է ինքը որոշել` պետք է նման աջակցություն ցուցաբերել, թե ոչ։
