ԵՐԵՎԱՆ, 24 դեկտեմբերի — Sputnik. Հանրապետության տարածքում դեկտեմբերի 23-ի ցերեկը, 24-ին, 25-ի գիշերը շրջանների զգալի մասում ժամանակ առ ժամանակ, դադարներով սպասվում են տեղումներ և մառախուղ: 25-ի ցերեկը, 26-28-ին սպասվում է առանց տեղումների եղանակ: Այս մասին հայտնում է «Հիդրոմետ» ծառայությունը։
Քամին կլինի հարավարևմտյան` 3-8մ/վ արագության, դեկտեմբերի 23-24-ին առանձին շրջաններում սպասվում է քամու ուժգնացում՝ 20-25մ/վ:
«Օդի ջերմաստիճանն ամսի 26-27-ին գիշերը կնվազի 2-3 աստիճանով»,- նշված է հաղորդագրության մեջ:
Երևանում դեկտեմբերի 24-ին, 25-ի գիշերը ժամանակ առ ժամանակ, դադարներով սպասվում են տեղումներ և մառախուղ:
Դեկտեմբերի 25-ի ցերեկը, 26-28-ին սպասվում է առանց տեղումների եղանակ, 23-24-ին սպասվում է քամու ուժգնացում՝ 15-20մ/վ:
Այսօր` դեկտեմբերի 24-ին, մայրաքաղաքում օդի ջերմաստիճանը ցերեկային ժամերին կկազմի 6-8 աստիճան տաքություն։
