ԵՐԵՎԱՆ, 12 դեկտեմբերի — Sputnk. «Բարգավաճ Հայաստան» խմբակցության ղեկավար Գագիկ Ծառուկյանի որդիներից մեկը Ռիգայում Kempinsk հյուրանոցային ցանցի սեփականատերն է։ Այս մասին հայտնում է kommersant.ru-ն։
«Կարմիր ժապավենը կտրել են քաղաքապետ Նիլ Ուշակովը, Kempinski Hotels S.A.-ի կառավարման նախագահ և գործադիր տնօրեն Մարկուս Սեմերն ու հայ օլիգարխ Գագիկ Ծառուկյանի որդին։ Հենց հայ օլիգարխին է պատկանում SIA MIRA-G ընկերությունը, որը հյուրանոցի սեփականատերն է»,- գրում է պարբերականը։
Grand Hotel Kempinski Riga-ն բացվել է Լատվիայի մայրաքաղաքի կենտրոնում, ազգային օպերայի շենքի դիմաց։ Նոր հյուրանոցն ունի 100 սովորական, 40 լյուքս և նախագահական մեկ համար։ Հյուրանոցային սենյակներից յուրաքանչյուրն առնվազն 35 քմ է, նախագահականը` ավելի քան 278 քմ։ Cigar Lounge սենյակը կահավորված է հայկական ճաշակով։ Լաունջը զարդարված է փայտյա դրվագներով, որոնց վրա ազգային նախշեր կան։
Նոր հյուրանոցը բացվել է «Ռիգա» հյուրանոցի տեղում, որ գործում էր մինչև 2013 թվականը։ Ծառուկյանի սեփականությունը դառնալուց հետո այնտեղ սկսեցին վերանորոգման աշխատանքներ իրականացնել։ Հյուրանոցը փորձնական ռեժիմով սկսել է աշխատել 2017 թվականի աշնանից։