ԵՐԵՎԱՆ, 5 դեկտեմբերի — Sputnik. Ընդդիմադիր Ժողովրդահանրապետական կուսակցությունն Անկարայի գլխավոր դատախազությանը փաստաթղթեր է փոխանցել, որոնք կհաստատեն Թուրքիայի նախագահ Թեջեփ Թայիփ Էրդողանի ընտանիքի և օֆշորային հաշիվների հետ կապը։ Այս մասին հայտնում է ՄԿ-Թուրքիան։
Կուսակցության ներկայացուցիչները պնդում են, որ Էրդողանի մտերիմները բազմամիլիոնանոց փոխանցումներ են կատարել օֆշորային ընկերությունների հաշիվներին։
«Անկարայի գլխավոր դատախազությունը քննում է հարկային օրենսդրության խախտման վերաբերյալ մեղադրանքը` Ժողովրդահանրապետական կուսակցության առաջնորդ Քեմալ Քըլըչդարօղլուի ներկայացրած փաստաթղթերի հիման վրա։ Դրանք հաստատում են, որ Էրդողանն ու նրա մերձավորները գումարներ են փոխանցել արտասահմանում գտնվող օֆշորային ընկերությունների հաշիվներին»,- ասել է կուսակցության մամուլի ծառայության ներկայացուցիչ Բյուլենթ Թեզջանը։
«Ժողովրդահանրապետական» (CHP) կուսակցության առաջնորդ Քեմալ Քըլըչդարօղլուն մի քանի օր առաջ խորհրդարանում իր կուսակցության խմբակցության ժողովում ներկայացրել էր Թուրքիայի նախագահ Ռեջեփ Թայիփ Էրդողանի ընտանիքի անդամների անուններով միլիոնավոր դոլարների փոխանցումների փաստաթղթերը։
