ԵՐԵՎԱՆ, 29 նոյեմբերի — Sputnik. Ամերիկացի կոմպոզիտոր և կիթառահար, Soundgarden և Audioslave ռոք խմբերի երգիչ Քրիս Քորտենլը հետմահու առաջադրվել է «Գրեմմի» մրցանակի` The Promise երգի համար, որը հնչում է համանուն ֆիլմում։
Բացի Քորնելից, «Լավագույն ռոք կատարում» անվանակարգում «Գրեմմիի» է առաջադրվել նաև Լեոնարդ Քոհենը։
«Խոստումը» հայոց ցեղասպանության մասին պատմող պատմական դրամա է, որի ռեժիսորն է Թերի Ջորջը։
Ֆիլմի իրադարձությունները ծավալվում են Օսմանյան կայսրության վերջին օրերին: Ներկայացվում է սիրային եռանկյունի` Կոստանդնուպոլիս մեկնած հայ դեղագործ Միքայելի, Փարիզում սովորած հայ նկարչուհի Աննայի և ամերիկացի ֆոտոլրագրող Քրիսի միջև:
Ֆիլմի համաշխարհային պրեմիերան տեղի է ունեցել 2016 թվականի սեպտեմբերի 11-ին Տորոնտոյի միջազգային կինոփառատոնում:
Հայաստանում ֆիլմի պրեմիերան կայացել է 2017 թվականի ապրիլի 27-ին:
