ԵՐԵՎԱՆ, 8 նոյեմբերի — Sputnik. Մրցարշավների սիրահար Մառա Բաղդասարյանը 15 հազար ռուբլի կազմող տուգանքը վճարելու համար պետավտոտեսչություն չի ներկայացել։ Այս մասին հայտնում է Mash տելեգրամ-ալիքը։
«Նրա փոխարեն Ռուսաստանի ՆԳՆ պետավտեսչություն է գնացել փաստաբանը»,- նշված է պորտալում։
Հիշեցնենք, որ Մառան մի քանի օր առաջ հերթական անգամ հայտնվել էր իրավապահ մարմինների տեսադաշտում։
«Մերսեդես» մակնիշի ավտոմեքենան, որի ղեկի դիմաց նստած էր եղել իրավախախտը, ճանապարհային ոստիկանները կանգնեցրել էին Կոմսոմոլսկայա փողոցում։
Մառան չէր էլ փորձել տեղը փոխել կողքի նստածի հետ։
«Նա համակերպված ընդունեց անխուսափելին, վերցրեց արձանագրությունը, նստեց ղեկի դիմաց ու տխուր մեկնեց տուն»,- գրել էր պորտալը նույն պորտալը։
Մառա Բաղդասարյանը 2016 թվականի մայիսին հայտնի է դարձել որպես Gelandewagen-ով սկանդալային մրցավազքի մասնակից։ Նրան ձերբակալել են 2016 թվականի նոյեմբերին Մոսկվայի Լենինի անվան պողոտայում։
Ոստիկանության աշխատակիցները վարչական տուգանք են նշանակել սխալ կայանած ավտոմեքենայի համար, սակայն փաստաթղթերը ստուգելու ընթացքում տեսուչները հայտնաբերել են, որ աղջիկը չի վճարել 16 տուգանք։ Ավելի ուշ նա դատապարտվել է ուղղիչ աշխատանքներից խուսափելու համար կեղծ հիվանդության թերթիկ ներկայացնելու պատճառով։
