ԵՐԵՎԱՆ, 30 հոկտեմբերի — Sputnik. Մադրիդի «Ռեալի» հարձակվող Կրիշտիանու Ռոնալդուն կարող է որակազրկվել, տեղեկացնում է armsport.am-ը՝ հղում անելով «The Sun»-ին:
Պորտուգալացի խաղացողը «Ժիրոնայի» դեմ կայացած խաղի դրվագներից մեկում հարվածել է մրցակցի պաշտպան Պերե Պոնսին:
Հարվածից հետո պաշտպանը ընկել է, սակայն դրվագը չի նկատել հանդիպման գլխավոր մրցավար Ալեխանդրո Էրնանդեսը: Ինչպես հայտնում է «The Sun»-ը, 32-ամյա հարձակվողի արարքը պետք է քննարկվի Լա Լիգայի կարգապահական կոմիտեում, որից հետո որոշում կկայացվի:
«Ժիրոնա»-«Ռեալ Մադրիդ» խաղն ավարտվել է կատալոնյան ակումբի հաղթանակով՝ 2:1։
